Mark 7:34 - Hawaii Pidgin Bible

³⁴ Jesus look up to da sky, an moan, an tell, “Efata!” Dat mean, “Open up!”

Mark 7:34 ပူးပေါင်းရင်းမြစ်များ

Outa Egypt 2:23

Afta long time, da king guy fo Egypt mahke. But da Israel peopo, dey stay moan still yet cuz dey slaves. Dey yell to God, “Help!” An God, he hear wat dey tell.

Isaiah 53:3

Peopo make to him jalike he notting. Dey no let him do notting wit dem. He one guy dat stay sad inside, An he know how feel fo suffa plenny. Peopo turn aroun an look da odda way Cuz dey no like see him. Dey make to him jalike he nobody, An nobody kea bout him.

Mark 1:41

Jesus look at him, an he pity him. He touch da guy, an tell, “Okay, I do um. Go come good.”

Mark 15:34

Three clock Jesus yell real loud, “Eloi, eloi, lema sabaktani!” Aramaic language dat mean, “My God, my God, how come you bag from me?”

Mark 5:41

He take da girl hand an tell her, “Talita kum,” Dat mean, “Eh! Litto girl, stan up!” Aramaic language.

Mark 6:41

Den Jesus take da five bread an da two fish. He look up to da sky, an tell God he get one good heart fo give da peopo food. Den he broke up da bread an give um to his guys, an da guys give um to da peopo. An he broke up da two fish fo erybody.

Mark 7:35

An right den an dea da guy ears an his tongue come good, an he can talk good.

Mark 8:12

Jesus moan from deep inside, an tell, “How come da peopo nowdays erytime like see someting awesome? Dass how dey stay, but I tell you guys, dey no goin see notting!”

Luke 18:42

Den Jesus tell him, “See den! You wen trus me. Az why now you see.”

Luke 19:41

Jesus come nea Jerusalem an look da town, an he cry.

Luke 7:14

Den Jesus go an touch da open box wit da guy inside, an da guys dat stay carry um stan dea. He tell, “Eh, brah, I tell you, sit up!”

John 11:33

Wen Jesus see her crying, an da Jew guys dat come wit her crying too, dat bodda him plenny an he come all shook up inside.

John 11:35

Jesus cry.

John 11:38

One mo time Jesus come all bodda inside. He go da cave wea dey wen bury Lazarus. Get one big stone dea dat cova da cave fo nobody go inside.

John 11:41

Den some guys push da stone away from da puka. Jesus look up to da sky an tell, “Faddah, mahalo plenny dat you lissen me.

John 11:43

Afta he tell dat, he talk real loud, “Lazarus, come outa dea!”

John 17:1

Afta Jesus tell dat, he look up to da sky an tell, “Faddah, time awready. Now, show da peopo how awesome I stay cuz I yoa Boy, so den I like show dem how awesome you stay.

Jesus Guys 9:34

Peter meet him an tell um, “Eh, Eneas, Jesus, da Spesho Guy God Wen Sen, he make you come good awready. Stan up an make yoa bed.” Right den an dea Eneas stan up.

Jesus Guys 9:40

Peter tell um all fo go outside. Den he go down on his knees an pray. He turn aroun by da mahke wahine, an tell, “Eh Tabita! Stan up!” She open her eyes, spock Peter, an sit up.

Hebrews 4:15

Dass oua Main Pries Guy, Jesus, God Boy. He undastan how us guys not strong an no can handle da bad kine stuff. Cuz he wen get presha fo do all kine bad stuffs jalike us guys. But he neva do notting bad!