Mark 6:14 - Hawaii Pidgin Bible

^14-29 Dat time, King Herod wen steal his braddah Philip wife Herodias, an marry her. But John Da Baptiza Guy stay tell him, “You not suppose to steal yoa braddah wife.” Az why Herod bus John an throw him in da prison. Herodias stay piss off wit John, an like kill um, but she no can. Herod, he sked John, az why. He know dat John one guy dat erytime do da right ting, cuz he all out fo God. Dass why Herod no let nobody hurt John. Wen Herod lissen John, Herod come all mix up, but still yet he like lissen him. An den, Herod birfday time come. Herod throw one big luau. He tell all da high makamaka guys from his palace, da army officers, an all da leada guys from Galilee fo come. Herodias girl come inside da place an dance, an Herod an all da odda guys like da dance. So King Herod tell da girl, “Eh, wateva you like, I swea to God I goin give um to you. I even give you half a eryting I get cuz I da king!” She go out an tell her muddah, “Wat I goin tell?” An da muddah tell her, “Go tell um fo give you John Da Baptiza Guy head!” Da girl go back inside real fas by da king an tell him, “I like you give me John Da Baptiza Guy head on top one big plate right now!” Da king come real sorry. But cuz he wen swea to God in front all his frenz, he no like tell no. Az why right den an dea he tell da guard guy fo go an cut off John head an bring um. Da guy go an cut off John head inside da prison. He bring da head on top one big plate an give um to da girl. An she give um to her muddah. Den da guys John teach, dey hear bout dat, an dey come, an take his body an put um inside one tomb. Laytas, King Herod hear bout all da stuff Jesus stay do, cuz erybody hear bout him. Some peopo tell, “John Da Baptiza Guy come back alive. Dass why dis guy Jesus get powa inside him fo do all dis awesome kine stuff.” Some odda peopo tell, “Nah, he Elijah.” An odda peopo tell, “He anodda guy dat talk fo God, jalike da guys dat wen talk fo God long time befo time.” But wen King Herod hear dat, he tell, “Eh, I wen tell my guys fo go chop off John head. But now he stay come back alive!”

Mark 6:14 ပူးပေါင်းရင်းမြစ်များ

2 Records 26:15

Inside Jerusalem Uzziah make war machines dat da smart guys wen plan, fo proteck da guys dat shoot arrows an throw big stones from da towas an da cornas a da town wall. Erybody all ova da place hear bout him, an he get plenny help. Az how he get plenny powa.

2 Records 26:8

Da Ammon peopo bring presents fo Uzziah, an erybody know bout him all da way to da Egypt borda, cuz he get mo an mo powa.

Matthew 9:31

But dey go all ova da place an tell erybody.

Mark 1:28

Right den an dea, da peopo go all ova Galilee side, fo tell erybody bout Jesus.

Mark 1:45

But da guy, he go outside an tell erybody wat wen happen to him. Az why Jesus no can stay inside da towns, but he gotta stay outside by da boonies. An da peopo, dey stay come from all ova da place fo hear him.

Mark 8:28

Dey tell, “Some peopo tell, you John Da Baptiza Guy. Get odda peopo dat tell, you Elijah. An get odda peopo dat tell you jalike da odda guys dat wen talk fo God befo time.”

Luke 13:31

Dat time, had some Pharisee guys dat come by Jesus an tell him. “You betta get outa hea, an go anodda place, cuz King Herod like kill you, you know.”

Luke 3:1

Afta da Big King Tiberius was king fo Rome fifteen year, get Pontius Pilate da territorial govna from Rome fo Judea, Herod da small kine king inside Galilee, Herod braddah Philip da small kine king inside Iturea an Trakonitis, Lysanias da small kine king inside Abilene,

Luke 7:17

An dey tell all dis stuff bout Jesus all ova Judea an all da place aroun dea.

Luke 9:19

Da guys tell, “Some guys tell you John Da Baptiza Guy. Odda guys tell Elijah. An odda guys tell you one guy dat talk fo God long time befo time, an now you come back alive.”

1 Tessalonika 1:8

Cuz a dat, not ony da peopo Macedonia an Akaia side wen hear da Good Stuff bout Da One In Charge, but all ova da odda places peopo wen hear dat you guys stay trus God. So us guys no need tell notting moa.

Hebrews 2:4

An anodda ting: God wen show proof dat he stay tell da trut. An he do dis cuz he get da powa fo do all kine awesome stuff fo show who him. An God give his peopo his Good An Spesho Spirit fo dem do diffren kine tings he like dem fo do.