Mark 5:11 - Hawaii Pidgin Bible

¹¹ On da odda side a da hill, get one big pig farm, an da pigs stay grinding.

Mark 5:11 ပူးပေါင်းရင်းမြစ်များ

Isaiah 65:4

Nite time, dey sit inside da graveyard. Dey stay all nite inside da secret places. Dey eat da pig meat dat stay kapu, An make stew outa odda kine kapu meat Dat make dem so dey no can pray.

Isaiah 66:3

But da odda kine guys, Dey do wat dey goin do, An feel real good inside Wen dey stay do dat kine pilau stuff. Wit dem, wen dey kill one cow fo make sacrifice, Az bad, cuz az jalike dey wen kill one guy. Wen dey kill one bebe sheep fo make sacrifice, Az bad, cuz az jalike dey wen broke one dog neck. Wen dey give one wheat offering, Az bad, cuz az jalike dey wen give pig blood fo make sacrifice. Wen dey burn incense fo God no foget dem, Az bad, cuz az jalike dey stay talk good bout dea idol kine god.

Matthew 7:6

“No give stuff dat stay spesho fo God to da guys dat goin talk bad bout um an goin wase um. Cuz dey jalike da dogs dat goin turn aroun fo attack you guys. An dey jalike da wild pigs—if you give um fancy kine jewelry dat worth plenny, dey ony goin walk all ova on top um. Den dey goin turn aroun an wase you guys.

Matthew 8:30

Had plenny pigs nea dea, grinding.

Mark 5:10

Da spirit beg Jesus plenny times, “Eh, no sen us outa dis place!”

Mark 5:12

Da bad kine spirits beg Jesus, “Sen us inside da pigs! Us like take ova dem.”

Luke 8:32

Had plenny pigs dat stay grind on top da hill. Da bad kine spirits beg Jesus, “If you make us no bodda da guy, we like go take ova da pigs, aah?” Jesus tell um, “Go!”

Rules Secon Time 14:8

Same ting fo da pig: you guys no can come in front God if you eat um, even if get split in da hoof all da way, cuz da pig no chew da food ova an ova. You guys no can eat dea meat o touch dea body wen dey mahke.