Mark 4:28 - Hawaii Pidgin Bible

²⁸ Da dirt no need nobody fo help um make da wheat. Firs da stalk come, den da head, den da food inside da head.

Mark 4:28 ပူးပေါင်းရင်းမြစ်များ

Start 2:9

God, Da One In Charge, make da trees grow outa da groun, all nice kine tree fo look at, da kine dat make fruits good fo food. Inside da place dat get all da trees, inside da middo, had one Tree Dat Can Make You Live Foeva if you eat da fruit, an one Tree Dat Can Make You Know Wass Good An Wass Bad if you eat da fruit.

Songs 1:3

Dat kine peopo, dey jalike da trees Dat peopo plant nea da watta ditch, An ery year da tree give fruits Da right time An da leafs no come all dry an fall down. Eryting dose peopo do, Come out good fo dem.

Smart Guys 4:18

But fo da peopo dat do wass right erytime, Eryting come mo an mo betta fo dem, Jalike early morning time get ony litto bit light, Den come mo an mo strong till come day time.

Teacha 3:1

Get one time fo eryting Da peopo do unda da sun.

Teacha 3:11

He make eryting happen jalike suppose to happen, fo da time wen suppose to happen. He make peopo tink bout wat maybe goin happen bumbye, but dey no can undastan eryting dat God stay do from da start till da end.

Isaiah 61:11

Cuz jalike da groun make da plants come up, An da garden make da seeds grow, Dass how Da One In Charge a me Goin make peopo get um right wit him An tell good tings bout him In front da peopos from all da diffren countries!

Hosea 6:3

Good we know Da One In Charge. Good we go all out fo know um. Jalike us guys stay shua da sun goin come up, We stay shua Da One In Charge goin show up— Jalike da rain dat come winta time, An jalike da rain give watta on top da earth spring time.”

Matthew 13:26

Wen da plants come up an make wheat, same time da weeds come up, but den can tell da weed diffren from da wheat.

Mark 4:27

Nite time an day time, no matta he sleep o wake up, da plant goin poke da head up from da groun an goin grow, even if da farma guy donno how.

Mark 4:29

Wen da wheat come ripe, da farma harves um wit da sickle, cuz dey stay ready.”

Philippi 1:6

Dis fo shua: God, he wen start fo do someting real good inside you guys. An garans he goin do um! An he goin stay do um till Jesus Christ come back!

Colosse 1:10

Den, make shua you guys live da way Da One In Charge like fo you live. Dat goin make him feel good. Den erytime you guys do someting, you guys goin do good tings an know God mo betta,