Mark 2:22 - Hawaii Pidgin Bible

²² “An same ting, you no put grape juice fo make wine inside one ol kine ledda bag, an close um fo let um ferment. You do dat, da new wine goin come mo plenny an bus da wine bag, an da wine goin spill out. Da ol ledda no good no moa. Mo betta, you put new wine inside one new kine ledda bag.”

Mark 2:22 ပူးပေါင်းရင်းမြစ်များ

Job 32:19

Inside, I stay jalike da wine inside one goat skin dat no mo puka. Jalike new goat skins dat stay full a wine an ready fo bus open.

Songs 119:80

Den I goin go all out Fo do wat you tell I gotta do. Cuz a dat, I no goin come shame.

Songs 119:83

Jalike I one ol goat skin Somebody wen use fo carry wine Dat come all poho cuz stay Too much time inside da smoke, Dass how I feel inside. Still yet, I no foget Da tings you tell I suppose to do.

Matthew 9:17

Same ting, you no goin put grape juice fo make wine inside one ol kine ledda bag an close um fo let um ferment. You do dat, da new wine goin ferment an bus da ol wine bag, an da wine goin spill out. Da ol ledda no good no moa. Mo betta, you put da grape juice inside one new kine ledda bag. Den da wine an da bag goin stay good.”

Mark 2:21

“Fo fix up one ol puka clothes, you no goin take one new piece cloth dat no shrink yet fo cova da puka. You go do dat, den wen you wash um, da new piece goin shrink plenny an make one mo bigga puka, an you make da ol clothes mo worse.

Mark 2:23

Anodda time was da Jew Res Day. Jesus an his guys walk thru da wheat fields. Da guys pick litto bit wheat fo eat.

Joshua 9:13

Dese wineskins was new wen we fill dem up, but now, look! Get cracks. Oua clotheses an slippas get pukas from da long trip.’ ”

Joshua 9:4

dey figga mo betta bulai da Israel peopo. Dey go fo talk to Joshua wit donkeys fo carry dea food. But dey load da donkeys wit poho kine burmbag sacks, an ol ledda bags fo wine wit cracks dey wen patch up.