Mark 16:6 - Hawaii Pidgin Bible

⁶ He tell um, “Eh, no sked! I know you guys stay looking fo Jesus, da guy from Nazaret, aah? Da one dey wen kill on top one cross. Eh, he come back alive awready! He no stay hea. Look! Dis da place wea dey put his body.

Mark 16:6 ပူးပေါင်းရင်းမြစ်များ

Songs 71:20

No matta you wen make me go Thru plenny bad kine trouble, You goin make me come back alive. You goin bring me back up No matta I stay almos inside da grave.

Smart Guys 8:17

“I get love an aloha fo erybody dat get love an aloha fo me. Erybody dat go look fo me, dey goin find me.

Matthew 12:40

Jonah wen stay inside one big fish three day an three nite. Same ting, I Da Fo Real Kine Guy, an I goin stay unda da groun three day an three nite lidat.

Mark 1:24

“Whoa! You Jesus from Nazaret! Wat you like do to us? How come you come ova hea? Fo wipe us out, o wat? I know who you! You da Good An Spesho Guy from God!”

Mark 1:27

Da peopo, dat blow dea mind. Dey tell each odda, “Eh! Wass dis?! Wat kine new teaching dis? Dis guy, he get powa! He even tell da bad kine spirits wat fo do, an dey do um!”

Mark 10:34

Dey goin make fun a me, an spit on top me, an whip me, an kill me. But on day numba three, I goin come back alive.”

Mark 14:33

He take Peter, James, an John wit him. He come real sore inside an presha out.

Mark 9:15

Right den an dea da peopo spock Jesus, an dea jaws drop. Dey run by him. Dey stay good inside cuz he come.

Luke 24:46

He tell um, “Dis wat dey wen write, ‘Da Christ Guy, da Spesho Guy God Goin Sen, he goin suffa an mahke, an den come back alive on day numba three afta he mahke.

Jesus Guys 2:24

But God make him come back alive one mo time from mahke. He no need suffa an mahke one mo time, cuz a wat God wen do. He no can stay mahke cuz he mo strong.

Jesus Guys 4:10

Kay den. You guys an all da odda peopo from Israel, good you know dis: Jesus from Nazaret, da Spesho Guy God Wen Sen, us his guys. You guys wen kill him on top one cross, but God make him come back alive one mo time. Dass why dis guy come good, cuz he stay tight wit Jesus. An now dis guy can stan hea in front you guys.