Mark 14:31 - Hawaii Pidgin Bible

³¹ But Peter tell him, “No way! Not even! No matta I gotta mahke wit you, no way I goin tell I donno who you!” An all da odda guys tell da same ting.

Mark 14:31 ပူးပေါင်းရင်းမြစ်များ

1 Kings 11:22

Da Pharaoh guy aks Hadad, “How come you like go back yoa country? Wat ova dea get dat mo betta den get ova hea by me?” Hadad tell um, “Notting. Eryting okay ova hea. But, I like you let me go!” Dass how Hadad wen come back Edom side.

2 Kings 8:13

Hazael tell, “Eh boss! Me, I nobody spesho, you know! How come I can do big kine stuff lidat?!” Den Elisha tell him, “Da One In Charge wen show me dat you goin come da Aram king.”

Songs 30:6

Me, had one time I neva worry bout notting. Dat time, I wen tink, “No mo notting goin throw me off, eva!”

Outa Egypt 19:8

Da peopo, dey tell Moses all togedda, jalike one voice, “Eryting Da One In Charge tell, we goin do um!” Moses go back by Da One In Charge an tell um wat da peopo wen tell.

Smart Guys 16:18

You ack big head, Den, you goin come wipe out. You tink high makamaka kine, Den, you goin fall down.

Smart Guys 18:24

One guy dat tink he get plenny frenz Can get wipe out real fas. But get anodda kine fren dat love you An stay mo tight wit you den yoa braddah.

Smart Guys 29:23

Anybody dat ack high makamaka, Dey goin come notting cuz a dat. Anybody dat no ack high makamaka, Dey goin get plenny respeck.

Jeremiah 10:23

“You, Da One In Charge, I know fo shua peopo no own dea life. No mo nobody can make dea own plan Fo da nex ting dey goin do.

Jeremiah 17:9

“Us peopo, inside we stay sly, fo real kine! Jalike us get one sick dat no can come good. No mo nobody undastan how bad us!”

Matthew 10:33

But if get one guy dat tell in front da peopo dat he donno me, den I goin tell in front my Faddah in da sky dat I donno him.

Mark 10:39

Dey tell, “Shoots, us guys can handle.” He tell, “Fo shua you guys goin suffa jalike me, an you goin handle all da trouble I goin get.

Mark 14:30

Jesus tell him, “I tell you dis fo real kine: Befo da roosta crow da secon time early today, three time you goin tell dat you donno who me.”

Mark 14:32

Den Jesus dem go da place dey call Getsemane. He tell da guys, “Sit down ova hea. I goin go ova dea fo pray.”

Luke 23:23

But dey stay yell da top a dea lungs, fo presha Pilate an make um kill Jesus on top one cross, an dey win.

John 13:37

Peter tell um, “Eh, Boss, how come I no can go wit you now? I stay ready fo mahke fo you!”