Mark 14:13 - Hawaii Pidgin Bible

¹³ He sen two a his guys. He tell um, “Go inside da town. One guy goin come by you guys dea. He carry one big watta jug. Go wit him.

Mark 14:13 ပူးပေါင်းရင်းမြစ်များ

Matthew 8:9

You know, I get one army boss dat tell me wat fo do. An I tell my army guys wat fo do. I tell dis guy, ‘Go,’ an he go. An I tell dat guy, ‘Go come,’ an he come. An my slave guy, I tell um, ‘Do dis,’ an he do um.”

Mark 14:12

On da firs day a da spesho religious kine ceremony wen dey make da Bread Dat No Mo Yeast, dass wen da peopo kill da bebe sheep fo make da Passova sacrifice, Jesus guys go by him an tell, “Wea you like us make da stuff ready fo you fo eat da Passova kine food?”

Mark 14:14

Da guy goin go inside one house. Tell da house owna, ‘Da Teacha tell, “Wea my spesho room stay, fo me eat da Passova food wit my guys?” ’

John 15:14

You guys stay my frenz, if you guys do da stuff I stay tell you guys fo do.

John 2:5

Den his muddah tell da worka guys, “Wateva my boy tell you guys fo do, go do um!”

Hebrews 4:13

Eryting God wen make, he can see um. No mo notting he wen make can hide fo him no see um. Cuz eryting stay open fo him know bout um. An God, he da One we gotta tell how come us do da tings we wen do.

Hebrews 5:9

Christ wen come perfeck, an now he da One dat take all da peopo dat lissen him outa da bad kine stuff dey stay do. An he help um stay perfeck lidat foeva.