Mark 13:36 - Hawaii Pidgin Bible

³⁶ If I come wen you not ready, you no goin like if I find you guys stay sleeping, aah?

Mark 13:36 ပူးပေါင်းရင်းမြစ်များ

Love Song 3:1

Nite time, I wen lay on top da bed. I wen miss da one dat I love real plenny! I like see him, but I no can find him.

Love Song 5:2

I stay sleep, but inside, jalike az one dream dat I stay awake. Lissen up! Da one dat love me stay knocking! He tell, “Eh sistah! Honey Girl, open da door fo me! You jalike my dove. You perfeck! My head stay wet from da dew. My hair stay wet from da nite air.”

Isaiah 56:10

“Da guys dat stay lead my peopo, Dey all suppose to be watcha guys, But dey no can see, jalike dey blind. All a dem, dey donno notting. Dey jalike dogs dat no can bark. Dey ony lay down dea an dream. Dey ony like sleep, fo shua.

Matthew 25:5

But da groom neva come yet, an all da girls like go sleep.

Mark 14:37

He go back by his guys, an dey stay sleeping. He tell Peter, “So, wat? Simon, how come you stay sleeping? You guys no can stay up wit me fo ony one hour, o wat?

Mark 14:40

He come back, an his guys stay sleeping one mo time, cuz dea eyes no can stay open. Dey neva know wat fo tell him.

Luke 21:34

“Watch out! No good you guys come all jam up wit too much partying, getting piloot, an worrying bout all kine stuff. No good Da One In Charge come back, an you guys not ready.

Luke 22:45

Wen Jesus pau pray, he stan up an go back by his guys, an find dem all sleeping. Dey wore out, cuz dey sad.

Efesus 5:14

God make da bad kine stuff come good, jalike da light make da dark kine stuff come jalike light too. Get one song dat tell: “Eh, you dat stay sleep, wake up! Go come back alive from mahke! Christ goin be da light fo you.”