Mark 11:13 - Hawaii Pidgin Bible

¹³ He spock one fig tree kinda far, dat get leafs awready, but not time yet fo fruit. He go ova dea fo check out if get early fruit. He come dea an find ony leafs.

Mark 11:13 ပူးပေါင်းရင်းမြစ်များ

Isaiah 5:2

He dig up da groun, Take away all da stones dea, An plant good kine grape plants. He build one towa in da middo Wea his worka guys can watch um. He even cut da stone one place nea dea Fo step all ova da grapes Fo press out da juice fo make wine. He wen wait fo da good grapes get fruit. But wat wen come out was real sour kine grapes.

Isaiah 5:7

“So, az da story bout dis peopo! Da One In Charge, Da God Ova All Da Armies, His grape field, dass da Israel peopo! An da plantation dat make Da One In Charge feel good inside Wit plenny love an aloha, Dass da peopo from da Judah districk. Da One In Charge wait fo peopo Fo judge da right way, But dey ony stay kill each odda! He wait fo peopo fo do da right ting erytime, But dey ony make each odda yell fo somebody help dem.”

Matthew 21:19

He spock one fig tree by da road. He go ova dea, an ony find leafs, no mo fruit notting. He tell um, “You no goin give fruit no moa!” Right den an dea da fig tree go dry up.

Mark 11:12

Da nex day, wen dey go way from Betany fo go Jerusalem one mo time, Jesus come real hungry.

Mark 11:14

So he tell da fig tree, “Nobody goin eat fruit from you no moa!” His guys hear wat he wen tell.

Luke 10:31

Bumbye one Jew pries guy come on dat same road. He spock da guy, but he go da odda side a da road.

Ruth 2:3

So Ruth go ova dea inside one field an pick up da extra barley dat da worka guys no pick up afta dey harves um. An you know wat? Dat field wea she stay pick up da extra barley, da owna guy was Boaz. Him an Ruth mahke faddah-in-law Elimelek, dey da same blood!

1 Samuel 6:9

But betta watch um good! Cuz maybe da cows goin take da Box up dea by da land wea da Box wen stay befo time, by Bet-Shemesh. Den dat goin mean, dat was da real Israel god dat give us guys one real hard time. But if da cows no take da Box up dea, den us guys goin know dat dea god neva do notting, but eryting dat wen happen, jus wen happen.”