Mark 10:52 - Hawaii Pidgin Bible

⁵² Jesus tell um, “Hele on! You wen trus me, dass why you come good awready.” Right den an dea he see, an he go wit Jesus on da road.

Mark 10:52 ပူးပေါင်းရင်းမြစ်များ

Songs 146:8

Da One In Charge, he da One Dat make da peopo Dat no can see, see, An help da peopo Dat gotta carry too much, fo stan up, An get love an aloha fo da peopo Dat stay do wass right.

Songs 33:9

Cuz he wen talk, eryting start. He wen tell wat gotta happen, An eryting come lidat.

Isaiah 35:5

Dat time, da peopo dat no can see, Dey goin see. Da peopo dat no can hear, Dey goin hear.

Matthew 11:5

Had guys dat no can see, now dey can see. Had guys dat no can walk, now dey can walk. Had lepa guys, now dey no mo sick. Had guys dat no can hear, now dey can hear. Had guys dat wen mahke, now dey stay walk aroun. Da peopo dat no mo notting, now dey hear all da Good Kine Stuff From God dat I stay teach um.

Matthew 12:22

Dey bring one guy dat get one bad kine spirit dat take ova him. Da guy no can see o talk, cuz da spirit no let um. An Jesus make da spirit no bodda da guy no moa, an make da guy come good fo him talk an see.

Matthew 15:28

Jesus tell her, “Eh, sistah! You trus me fo real kine, aah! Da way you like um, dass how goin be.” An right den an dea, her girl come good.

Matthew 21:14

Den da blind guys an da guys dat no can walk go by Jesus inside da open lanai fo da temple, an he make um come good.

Matthew 8:3

Jesus wen stick out his hand an touch him, an tell, “Okay, I do um. Come good.” Right den an dea da lepa guy come good.

Matthew 9:22

Jesus turn aroun, an spock her behind him, an he tell, “Sistah, come strong! You trus me, dass why you come good awready.” An right den an dea she come good.

Mark 1:31

Jesus go an take her by da hand an pull her up. Right den da feva pau, an her give dem food.

Mark 5:34

An Jesus tell her, “Sistah, you wen trus me. Dass why you come good. Go now, notting goin bodda you. An you no goin suffa no moa.”

Mark 8:25

Den Jesus put his hands on top da guy eyes one mo time. Da guy open his eyes wide, his eyes come good, an he can see eryting real good.

Luke 7:50

Jesus tell da wahine, “Cuz you trus me, God take you outa da bad kine stuff you wen do. Go, an no worries.”

Luke 9:48

Den he tell um, “Whoeva take in one small kid jalike dis kid cuz da kid my guy, dat guy take me in too. An whoeva take me in, dey take in da One dat wen sen me too. Da guy dat make jalike he small, he da one dat big fo real kine.”

John 9:32

An da guy tell, “Lissen up! From da time God make da world till now, nobody eva hear dat somebody make one guy see dat wen born blind.”

John 9:39

Jesus tell um, “I wen come inside dis world fo show who do da bad kine stuff. Bumbye da guys dat no can see, goin see, an da guys dat see goin come blind.”

Jesus Guys 26:18

fo open dea eyes an fo turn um away from da dark kine stuff to da light; fo turn um away from da powa Satan get an turn um to God. Den I goin let um go, an hemo dea shame fo all da bad kine stuff dey do. Den dey can come togedda wit all da peopo dat trus me an come good an spesho fo me.’