Mark 10:49 - Hawaii Pidgin Bible

⁴⁹ Jesus stop an tell, “Tell him fo come!” So dey call da blind guy an tell um, “Eh, be happy! Get up! He tell you fo come.”

Mark 10:49 ပူးပေါင်းရင်းမြစ်များ

Songs 145:8

Da One In Charge, he real good Fo give peopo chance. He get choke pity fo dem. He no come huhu real fas. He stay tight wit his peopo foeva.

Songs 86:15

But you my Boss. An you da kine God dat pity erybody An you erytime like give dem chance. You no come huhu real fas, You erytime stay tight wit yoa peopo, An dey know dey can trus you.

Matthew 9:2

Had some guys dat bring one guy on top one mat fo go by Jesus. Da guy, he no can move, notting. Jesus see dat, an he figga, “Cuz dese guys trus me fo real kine, I goin make dea fren come good!” Den he tell da sick guy, “Eh, you, come strong! You know all da kine bad stuff you wen do? I tell you now, da shame fo all dat, pau awready!”

Mark 10:50

He jump up an throw down his coat, an go by Jesus.

Luke 18:40

So Jesus stop an tell da peopo fo bring da blind guy by him. Wen he come nea, Jesus tell him,

John 11:28

Afta Marta tell dat, she go back by her sistah Mary. Dey talk wea nobody can hear wat dey tell. She tell, “Da Teacha come, an he like see you.”

Hebrews 2:17

Dass why Jesus gotta come jalike his braddahs an sistahs, ery kine way. An cuz Jesus jalike his braddahs an sistahs, he goin come dea Main Pries Guy fo take kea all da kine stuff da Jew Main Pries Guy do fo God. He give da peopo chance, an he da kine guy dey can trus. Cuz az who him, an he goin hemo da shame fo all da bad kine stuff da peopo do, an bring um back togedda wit God.

Hebrews 4:15

Dass oua Main Pries Guy, Jesus, God Boy. He undastan how us guys not strong an no can handle da bad kine stuff. Cuz he wen get presha fo do all kine bad stuffs jalike us guys. But he neva do notting bad!