Mark 10:18 - Hawaii Pidgin Bible

¹⁸ Jesus tell: “How come you call me good? Ony get one guy dat stay good fo real kine, dass God.

Mark 10:18 ပူးပေါင်းရင်းမြစ်များ

Songs 119:68

You good, dass why you do good tings. Teach me how fo do Da tings I gotta do.

Songs 145:9

Da One In Charge, he do good tings Fo erybody! He show love an pity Fo eryting he wen make!

Songs 86:5

You my Boss, an you get one good heart. You stay ready erytime fo let me go Fo da bad tings I wen do, You stay tight wit yoa peopo all da time, Wit da ones dat stay yell Fo you help um.

Matthew 19:17

Jesus tell, “How come you aks me bout da ‘good ting’? Ony get one Guy dat stay good fo real kine, dass God! If you like live to da max foeva, you know da Rules From God? Go do um, den.”

Mark 10:17

Wen Jesus start fo go, one guy run up by him, an go down on his knees in front him, an tell: “Eh, Teacha, you good. Can aks you one question? Wat I gotta do fo live to da max foeva?”

Mark 10:19

You know da Rules From God: No go kill nobody, no go fool aroun behind da husban o wife back, no rip off nobody, no bulai any kine bout nobody, no cockaroach nobody, show respeck fo yoa faddah an muddah.”

Luke 18:19

Jesus tell um, “How come you tell me good? Ony get One dat stay good, dass God.

Rome 3:12

Nobody eva do how dey suppose to do. Poho, erybody come! No mo nobody do good tings, No mo even one guy!

James 1:17

Erytime somebody give you someting nice an spesho, all dat come from yoa Faddah up dea inside da sky. He wen make all da lights inside da sky—da sun, an moon, an stars. But God no change jalike da tings inside da sky change.

1 John 4:16

Us know dat God get love an aloha fo us guys, an us trus him. Da way God stay, he erytime get love an aloha fo erybody. Whoeva live wit love an aloha, dey stay tight wit God an God stay tight wit dem.

1 John 4:8

Da guy dat no mo love an aloha donno God, cuz God erytime get love an aloha fo erybody—dass how he stay.

1 Samuel 2:2

“No mo anodda god dat mo awesome an spesho den you, Da One In Charge! You da One, da ony One! You oua God, an you stay solid, jalike da bigges rock! No mo any odda god dat stay solid jalike you!