Mark 10:14 - Hawaii Pidgin Bible

¹⁴ Wen Jesus see wat his guys stay do, he come huhu. He tell, “Let da kids come! No stop dem! Cuz da peopo dat make God dea King, inside dey jalike dese kids.

Mark 10:14 ပူးပေါင်းရင်းမြစ်များ

Start 17:7

“I stay make dis deal now, jus fo me an you. Dis deal wit you, goin stay foeva! I goin be da God fo you, an fo all da peopo dat goin come from you bumbye, even afta you mahke.

Songs 78:4

Same ting fo us guys, We no goin hide da teaching. We goin let oua kids know bout um. Cuz us guys gotta tell Da ones dat goin born bumbye How awesome Da One In Charge stay, An how strong him, An tell bout all da tings Dat stay hard fo do, But he do um.

Isaiah 65:23

Dey no goin bus ass fo notting. Dey no goin born kids an bad kine stuff happen to da kids. Cuz me, Da One In Charge, I do plenny good kine stuff fo da peopo An fo dea kids an all da oddas dat goin come from dem.

Census 14:31

You guys wen tell dat yoa kids goin come prisonas. But I goin bring yoa kids inside dat land, an dey goin stay good inside cuz dey dea, no matta you guys no like take da land.

Matthew 18:10

Jesus tell, “Watch out dat you guys no figga you mo betta den one a dese small kids hea. I tell you guys, dey get spesho angel guys inside da sky dat can talk to my Faddah up dea, any time dey like.

Matthew 18:4

Da guy dat no figga he gotta be numba one erytime, jalike dis small kid, dat guy goin come numba one, from dose dat get God in da sky fo dea King.

Matthew 19:14

Den Jesus tell, “Let da kids come! No stop dem! Cuz da peopo dat get God in da sky fo dea King, inside dey jus like dese kids.”

Matthew 5:10

“Da peopo dat do wass right, An suffa fo dat, Dey can stay good inside Cuz God in da sky, he dea King.

Matthew 5:3

“Da peopo dat know dey pooa an need God inside dem, Dey can stay good inside Cuz God in da sky, he dea King.

Mark 3:5

Jesus look at all da peopo real good. He stay real huhu. Same time, he feel sad cuz dey hard head. Den he tell da guy, “Stick out yoa hand.” An da guy stick um out, an da hand come good.

Mark 8:33

But Jesus turn aroun, look at his guys, an scold Peter. He tell, “Get outa my way. You stay ack jalike Satan! You tink jalike da peopo tink, not jalike God tink.”

John 3:3

Jesus tell him, “Dass right! An I tell you dis too: Whoeva not born one mo time God new way, dey no goin get God fo dea king.”

John 3:5

Jesus tell him, “Dass right! An I tell you dis too: Whoeva not born one mo time from watta an from God Spirit, dey no can get God fo dea king.

Jesus Guys 2:39

He wen promise all dat fo you guys an yoa kids, an fo all da peopo dat no stay tight wit God—all da ones Da One In Charge goin tell fo come to him, dass oua God.”

Jesus Guys 3:25

You guys da one get wat dey talk bout. Dass fo you guys, da deal God wen make wit yoa ancesta guys long time befo time. God tell Abraham, ‘All da diffren peopos all ova da world, bumbye wen dey tink bout da peopos dat come from you, dey goin tell, “Us like God make eryting come good fo us guys, cuz we stay tight wit da Abraham ohana!” ’

Rome 11:16

Eh, you know, if you take one small piece bread, an give um firs to God, den da whole bread stay spesho fo him. An if you give da root from one tree to God, da whole tree stay spesho fo him too.

Rome 11:28

So, fo da Jew guys dat tell “Laytas” to da Good Kine Stuff From God, dey stay agains God. Cuz dey make lidat, dat give you guys chance! God still get love an aloha fo dem, cuz he wen love dea ancesta guys an pick dem fo come his peopo.

1 Corint 14:20

Eh, my braddahs an sistahs! No go tink jalike small kids no moa! (Fo do da bad kine stuff, shua! Ack jalike bebes! Cuz da bebes, dey donno how fo do bad kine stuff.) But fo undastan wass da main ting, you gotta grow up!

1 Corint 7:14

Da husban dat no trus God stay spesho fo God still yet, cuz he stay tight wit da wife dat trus God. An da wife dat no trus God stay spesho fo God still yet, cuz she stay tight wit da husban dat trus God. If no was lidat, den dea kids no stay spesho fo God. But cuz one a da faddah-muddah guys trus God, da kids stay spesho fo God too.

Efesus 4:26

If you guys huhu, no do bad kine stuff cuz a dat. No stay huhu. No good da sun go down an you guys still yet stay huhu, you know.

Rules Secon Time 4:37

He get plenny love an aloha fo yoa ancesta guys, an he pick da kids afta dem too. Az why he wen stay wit you guys an go fo broke fo bring you guys outa Egypt.

2 Timoty 1:5

I no foget dat time you wen trus God. Was fo real kine, an you neva ack. Yoa granma, Tutu Lois, was da firs one dat wen trus God lidat, an den yoa muddah Eunice, an now I stay shua you trus God lidat too.

2 Timoty 3:15

From small kid time, you know awready da tings da peopo from befo time wen write inside God Spesho Book, da Bible. You know dat dis stuff can make you come smart fo know how fo ack, an fo get you outa da bad kine stuff you do. Az why gotta trus God Spesho Guy Jesus Christ, an gotta stay tight wit him.

Joshua 8:35

Joshua read eryting dat Moses wen tell to all da peopo dat stay dea, wit da wahines, an da kids, an da peopo from anodda place dat live wit dem.

1 Peter 2:2

Jalike da bebes dat jus wen born an try fo get da milk, you guys go get da kine stuff dat stay good fo yoa spirit. Dass fo make you guys come mo an mo strong inside erytime, an God still goin take you guys outa da bad kine stuff.

Jesus Show 14:5

No mo nobody can tell dat dey bulai, cuz dey no bulai. No can poin finga dem.

1 Samuel 1:11

Hannah make one strong promise to God. She tell, “Eh, you Da One In Charge, Da God Ova All Da Armies, You awesome! An I yoa slave! You know how plenny I stay suffa. So I like fo you no foget me! Take kea me! You my boss, az why. If you give me one boy bebe, I make dis promise: I goin hanai him ony fo you. An jus fo show dat he goin be yoa boy foeva, Nobody goin shave his head, eva!”

1 Samuel 1:22

But Hannah not ready fo go. She tell him, “Bumbye wen I no need breas feed da boy no moa, I go take him to Da One In Charge house, an leave um, an he goin stay dea all da time.”