Mark 1:26 - Hawaii Pidgin Bible

²⁶ Den da bad spirit shake up da guy plenny. Da spirit yell real loud. Den he let go da guy.

Mark 1:26 ပူးပေါင်းရင်းမြစ်များ

Mark 1:25

Jesus scold da bad spirit, “Shut yoa mout! Let go da guy!”

Mark 1:27

Da peopo, dat blow dea mind. Dey tell each odda, “Eh! Wass dis?! Wat kine new teaching dis? Dis guy, he get powa! He even tell da bad kine spirits wat fo do, an dey do um!”

Mark 9:20

So dey bring um. Wen da spirit spock Jesus, right den an dea he make da boy start fo shake plenny, an he fall down on top da groun, an roll all ova, an da foam come outa his mout.

Mark 9:26

Den da spirit yell an throw da boy all ova da place, den he let um go. Da boy look jalike he mahke. Plenny peopo tell, “Bummahs! He mahke!”

Luke 11:22

But if one mo bigga moke come, an bus him up, he goin take away da knifes an clubs. Da firs moke wen trus da knifes an clubs, but da mo bigga moke goin rip off all da stuffs, an split um up wit his guys.

Luke 9:39

Erytime one bad kine spirit take um ova, right den an dea he yell, an roll aroun on top da groun, an foam come outa his mout. Da bad kine spirit hurt him erytime, an no like let him go.

Luke 9:42

Wen da boy stay come, da bad spirit throw him down on top da groun an da boy shake all ova. But Jesus scold da bad spirit, an make da boy come good, an give him back to his faddah.