Malakai 3:8 - Hawaii Pidgin Bible

⁸ Da One In Charge tell, “You guys tink anybody can steal someting from God, o wat? No way! Cuz you da ones dat stay steal stuff from me, you know.” But you guys tell, “How us guys stay steal from you?!” Da One In Charge tell, “You guys owe me ten percent a eryting you get, an odda gifs, you know. Wen you guys no pay, you stay steal from me!

Malakai 3:8 ပူးပေါင်းရင်းမြစ်များ

Songs 29:2

Tell Da One In Charge, You know wat kine god him, an he awesome! Wen you go down in front Da One In Charge, Put on spesho kine clotheses Cuz he good an spesho.

Smart Guys 11:24

Get da kine peopo, dey like give away plenny stuff all da time An still yet, bumbye dey get even mo stuff. Get diffren kine peopo, dey can help out, but dey no like, An bumbye dey no mo notting.

Isaiah 43:23

Wen you guys bring sheeps Fo kill an burn up, No was fo me fo make sacrifice fo real kine! Wen you guys make some odda kine sacrifice, No was fo show respeck fo me! I neva presha you guys Fo bring me wheat fo one present. I neva make you guys come tired Wen I tell you fo burn incense fo me.

Prieses 19:25

Den, year numba five, you guys can eat da fruit. Az how you guys goin get even mo fruit. I yoa God, Da One In Charge.

Zekariah 5:3

An he tell me, “Dis paypa tell wass da kahuna dat Da One In Charge goin put on top all da peopo in da whole land. Da paypa tell on top one side dat erybody dat rip off stuff gotta get outa da land. An on top da odda side tell dat erybody dat bulai wen dey make one strong promise, dey gotta get outa da land.”

Malakai 1:13

Da One In Charge, da God Ova All Da Armies, tell: “You guys tink, ‘Eh! Too much, dis!’ You guys ack jalike da sacrifices haunas! Den you go bring da kine animals dat da wild animals rip up, an give um to me fo one sacrifice. Da kine no can walk an stay sick. You tink I goin take um an stay good inside cuz you make lidat? I no tink so!” Dass wat Da One In Charge tell.

Malakai 1:8

You make one sacrifice wit da kine animal dat no can see. You tink az okay! You bring animals dat no can walk o dat stay sick, an you tink az right. You know you no can bring dat kine animal fo make one gif fo da govna guy! You figga he goin stay good inside if you do dat?! You figga he goin like lissen you?! No way! But no foget, me Da One In Charge, Da God Ova All Da Armies dat stay tell you dis!

Matthew 22:21

Dey tell, “Dass King Cesar.” An he tell, “Kay den, give um to Cesar, wat his, an give to God, wat his!”

Mark 12:17

An Jesus tell um, “Kay den. Give um to Cesar, wat his, an give to God, wat his!” Wen dey hear dat, dat blow dea mind.

Luke 20:25

Dey tell, “Dass King Cesar.” Jesus tell, “Kay den, give um to Cesar wat his, an give to God wat his!”

Rome 13:7

So pay erybody wat you gotta pay. Pay da tax guys all da taxes you gotta pay. All da peopo you gotta respeck, inside you, respeck dem fo real kine. Make shua da peopo dass importan, you show um dey importan.

Rome 2:22

You tell, “No go fool aroun behind yoa husban o wife back.” But you fool aroun too, aah? You tink da idol kine gods no good. But you cockaroach stuff from dea temples too, aah?

Joshua 7:11

Da Israel peopo wen do someting bad! Dey broke da deal I wen make wit dem, dat I wen tell you guys fo respeck. Dey wen take some a da kapu tings! Dey steal um, dey bulai bout um, an dey put um wit dea stuffs!