Malakai 3:15 - Hawaii Pidgin Bible

¹⁵ So den, from now, us guys goin figga, ‘Da peopo dat ack jalike dey mo betta den all da odda peopo an no give a rip bout nobody, dey da ones dat stay good inside.’ Da peopo dat do wass wrong, dey da ones dat come rich! Even wen dey push God fo see if he goin punish dem, notting bad happen to dem!”

Malakai 3:15 ပူးပေါင်းရင်းမြစ်များ

Esther 5:10

But still yet Haman no say notting, an go home.

Job 1:22

No matta all dis stuff happen, Job no do notting bad. He no talk jalike God do someting wrong.

Job 12:6

Eryting stay quiet inside da tents Wea da guys live dat like bus up eryting. An inside da tents wea da guys live Dat make God come huhu, No mo nobody bodda dem. Az jalike dey carry dea idol kine gods wit dem.

Job 21:30

Dey can tell you guys, dat wen get big trouble, Da bad kine peopo no suffa. Wen God come huhu, dey outa dea awready!

Job 22:23

If you come back to Da God Dat Get All Da Powa an be his guy, An take eryting dat no stay right far from yoa tent, God goin build you up one mo time.

Songs 10:3

Cuz dem bad guys talk big Bout da bad tings dey like do. Dey talk real good Bout da ones dat take stuff away from odda peopo, Same time, dey talk pilau bout Da One In Charge, Jalike he no mean notting.

Songs 106:14

Inside da boonies, Dey wen crave Da kine food dey like. In da place wea nobody live, Dey wen tes God Fo see wat he goin do.

Songs 141:4

No let da way I stay inside Make me do da kine tings dat stay bad O do horraz kine stuff. Wen odda peopo no do wat stay right, No let me even eat Dea onolicious kine grinds.

Songs 49:18

All da time he stay alive He tink good tings Goin happen to him. An odda peopo tell, “Eh, good, How tings stay go fo you, Cuz you wen do good tings Dat help you!”

Songs 58:2

Fo shua, inside yoa head, You tink how fo do bad kine tings. Dat make you guys ready Fo bus up peopo all ova da world.

Songs 73:12

Dass how da peopo Dat do bad kine stuff stay. No mo notting bodda dem any time. Dey stay make Mo an mo plenny money.

Songs 73:3

I wen see da peopo dat tink Dey no need lissen God, An I wen tink, “I like be jalike dem guys!” I wen see da peopo dat do bad tings, An eryting stay good fo dem. Dass wat wen throw me off.

Songs 78:18

Inside, dey tink lidis: “Eh, we go tes God! We tell him he gotta give us guys Da kine food we like!”

Songs 78:41

Ova an ova, dey wen tes God Fo find out wat he goin do. Dey wen make him come sore inside, Da One dass good an spesho Fo da Israel peopo.

Songs 78:56

But da Israel peopo, Dey ony like tes God Fo see wat he goin do, Da God Dass Mo Importan Den All Da Odda Gods, Dey neva do da tings he teach um.

Songs 95:9

Dat time, Yoa ancesta guys challenge me Fo find out how I stay fo real kine. Neva mind dey awready see plenny Wat I do.

Smart Guys 12:12

Da bad kine peopo steal stuff, An odda bad kine peopo steal um from dem. But da good kine peopo make plenny stuff Jalike da root dat make da plant come big.

Teacha 8:14

Get anodda ting dat happen on top da earth dat no make sense: Get guys dat do wass right, but dey get punish jalike dey bad kine guys. An get guys dat do bad kine stuff, an dey get wat da guys dat do wass right suppose to get. Fo shua dat no make sense!

Isaiah 2:22

No trus da peopo! Da ones dat stay breave da air an stay alive, But wat you can trus dem fo do fo you, aah?! Notting!

Jeremiah 7:10

An den! You guys come stan in front me, inside dis Temple dat get my name fo show erybody wat kine god me. You guys tell, “No mo nobody goin bus up us guys! No worry! Dass okay we do all dis pilau kine stuff!”

Daniel 4:30

He tink, “Dis town, Babylon, stay big now! Az cuz I wen build um lidat fo come my house, da king! I do um cuz I stay real strong an peopo goin know I awesome an importan!”

Daniel 4:37

“Now me, Nebukadnezzar da King, I talk good bout da King Inside Da Sky, an tell dat he awesome. Eryting he do stay right. Anybody live his way, dey goin do da right ting too. An he can make da guys dat ack jalike dey big head guys come notting.”

Daniel 6:16

So da king tell his guys fo bring Daniel. Dey throw um down inside da hole wea dey put da lions. Da king tell Daniel, “Yoa God, da One you show respeck fo real plenny, ony him can get you outa dis, cuz I no can!”

Malakai 2:17

You guys, you talk too much, you make Da One In Charge real tired! An you tell, “How us guys make God tired?” Az cuz you tell, weneva you do bad kine stuff, Da One In Charge tink you good, an he stay good inside cuz a wat you do. Az why you guys tell, “You tink God goin judge us? No way!”

Malakai 4:1

Dis wat Da One In Charge, Da God Ova All Da Armies tell: “You know wat I goin do? Fo all da peopo dat ack jalike dey mo betta den erybody, An fo all da peopo dat stay do bad kine stuff— Da time goin come, wen dose peopo goin come Jalike da lef ova junk kine stuff from da wheat Dat peopo burn up inside one hot burning oven! No goin get notting lef, Not even da roots, not even da branches!

Jesus Guys 12:21

Da day fo meet come, an Herod stay wear his fancy kine king clotheses. He sit down on top his throne, an talk offisho kine to da peopo.

Jesus Guys 5:9

Peter tell her, “How come you an yoa husban make one sly kine plan fo find out if da Spirit a Da One In Charge goin let you guys bulai? Look! Da guys dat wen bury yoa husban, dey right dea outside da door, an dey goin carry you ova dea too.”

1 Corint 10:9

No good we try find out how much bad kine stuff us guys can do befo Da One In Charge punish us. Some a da peopo wen do dat, an God wen sen snakes ova dea fo bite um an wipe um out.

Hebrews 3:9

God tell, “Yoa ancesta guys wen tes me. Fo find out if I goin punish um. Den fo forty year dey see wat I do.

1 Peter 5:5

Same ting, you younga guys, lissen yoa older leada guys. Tink lidis: No get big head, cuz da Bible tell, “God stay agains da guy dat get big head, But he do plenny fo help da guy dat no mo big head.”