Malakai 3:10 - Hawaii Pidgin Bible

¹⁰ “Go bring all da ten percent you owe me Inside da temple storage place. Den goin get food inside my house. So, try see if I fo real bout all dat! See if I no goin open da windows inside da sky An pour down fo you guys plenny good tings, Too plenny fo you guys handle! Me Da One In Charge, Da God Ova All Da Armies, an dass wat I tell.

Malakai 3:10 ပူးပေါင်းရင်းမြစ်များ

Start 28:22

Dis rock hea I put up jalike one spesho pos fo no foget wat wen happen dis place. Dis goin be God house. An God, from eryting you give me, I goin give ten percent to you.”

Start 7:11

Noah was six hundred year an two month an seventeen day ol, wen dat happen. Dass wen Da watta dat run undaneat da wild ocean bus loose, An da big watta from inside da sky come down, Jalike somebody open up da windows up dea.

2 Kings 7:19

Da officer wen tell Elisha, da guy dat stay tight wit God, “You tink Da One In Charge goin open up windows inside da sky an make food come down jalike rain?! No way!” An Elisha tell da officer guy, “You goin see um happen jalike I wen tell. But you, you no goin eat notting from dat!”

2 Kings 7:2

Da govmen guy dat come wit da Israel king tell Elisha, da guy dat stay tight wit God, “Wot! You tink Da One In Charge goin open up windows inside da sky an make food come down jalike rain?! No way!” Elisha tell da officer guy, “Fo shua, you goin see um happen jalike I wen tell. But you, you no goin eat notting from dat!”

1 Records 26:20

Get odda Levi guys stay in charge a da places wea dey keep da rich kine tings fo da Temple Fo God, an da places wea dey keep da tings dat stay spesho fo God.

Nehemiah 12:44

Dat same day, us guys wen give guys dea jobs. Some take kea da rooms an da storage places, some take da gifs dat peopo bring, oddas take da bestes stuff dat da peopo harves from da groun an bring to da Temple jalike da Rules From God tell fo da pries guys eat. Da peopo bring stuff from da fields aroun da small towns too fo da Levi ohana peopo. All da Judah peopo stay real good inside cuz a da pries guys an da Levi ohana guys dat help da prieses.

Nehemiah 12:47

An da time Zerubbabel stay in charge, an layta wen me, Nehemiah, stay in charge, all da Israel peopo give da food ery day fo da singa guys an da security guard guys. Dey put um inside one storage place, all da stuff dass spesho fo God fo da Levi ohana guys. Den da Levi ohana guys put inside anodda storage place, da part a dat stuff dass fo da pries guys dat get Aaron fo dea ancesta.

Nehemiah 13:5

Elishiab wen fix up fo Tobiah, one big room inside da Temple. Befo time, inside dat room dey stash da wheat dat da peopo bring to da Temple, an da incense, da spesho dishes, an da ten percent a da wheat, wine, an olive oil. Cuz God wen tell da peopo fo give all dat to da Levi ohana peopo, an da singa guys, an da security guard guys. He tell um fo give stuff to da pries guys too. All dat, dey stay stash inside dat room.

Songs 37:3

Trus Da One In Charge an do good tings. Live on top yoa land An take kea da land.

Songs 78:23

So God tell da clouds up dea Wat fo do, Jalike he open one door From da sky.

Teacha 11:3

Wen da clouds get plenny watta, Fo shua dey pour rain on top da earth. An no matta one tree fall down south side o north side, Fo shua goin stay da place wea wen fall down.

Ezekiel 34:26

I goin do good tings fo my peopo, an fo all da place aroun da hill dat stay spesho fo me. I goin bring rain an dis goin be good fo da peopo.

Ezekiel 44:30

Da bestes fruits from da firs fruits da peopo pick ery year, an all yoa spesho gifs goin be fo da pries guys. You goin give dem da firs batch a yoa wheat an barley you grind fo make flour. Wen you do all dis, I goin do good kine stuff fo yoa ohana.

Hosea 2:21

Da One In Charge tell, “Dat time, I goin lissen da sky. An da sky goin lissen da groun an make rain.

Joel 2:19

Da One In Charge goin ansa his peopo lidis: “Lissen up! I goin sen wheat an barley, new wine, an olive oil fo you guys, Enuff fo you guys come full. I no goin let da odda peopos talk bad bout you guys no moa.

Joel 2:24

Da open places wea dey split da wheat an barley from da junk kine stuff Goin get plenny wheat an barley. Da places wea dey store da wine an oil Goin get plenny new wine an olive oil.

Prieses 26:10

You guys wen grow real plenny foods da year befo, an yet you still stay eat dat food wen you guys gotta move um out fo make room fo da new food you goin harves.

Prieses 26:3

“If you guys live da way I tell you gotta live, an lissen up real good wat I tell you fo do,

Prieses 27:30

“Ten percent from eryting dat grow up from da land, no matta da wheat o barley from da dirt o da fruits from da trees, az fo me, Da One In Charge. All dat stay spesho fo me.

Haggai 2:19

No mo seeds inside da place fo store seed, cuz you wen plant um awready. An you stay wait fo da grape vine, da fig tree, da pomagram tree, an da olive tree dat goin give fruit. “ ‘But from today I goin do good kine tings fo you guys.’ ”

Census 18:21

“I give da Levi ohana all da ten percent a da stuff da Israel peopo give me. Dass goin be dea property, fo da work da Levi ohana guys do by da Tent Wea Da Peopo Meet Me.

Matthew 6:33

Main ting, make God Da One In Charge a you, cuz he da King. Do da right ting jalike he do, an you guys goin get all da stuffs you need.

Rules Secon Time 12:6

Ova dea, you guys goin bring yoa animal fo make yoa burn up kine sacrifice an odda sacrifices wea you kill animals. You goin bring God ten percent a eryting you grow an odda spesho presents you like give too. Give wateva you guys wen make one promise fo give Da One In Charge, an da presents you guys give um cuz you like give um, an da firs cow, sheep, o goat dat born—bring um all da place Da One In Charge goin pick.

Rules Secon Time 14:22

You guys gotta put on da side ten percent a da food you harves from inside yoa field ery year.

Rules Secon Time 14:29

Dass fo da Levi ohana peopo dat no mo land o odda property from Da One In Charge, an fo da peopo from anodda place, an fo da kids dat no mo faddah o muddah, an fo da wahines dat no mo husban, dat live inside yoa town. Dass wea fo dem come an get plenny fo eat. Den yoa God, Da One In Charge, goin do plenny good stuff fo you guys, wateva you start fo do.

Rules Secon Time 28:12

“Da One In Charge goin open up da sky wea he keep plenny good stuffs, fo sen rain on top yoa land da right time, an fo make eryting you guys do go good. Plenny peopos goin borrow stuff from you, but you guys no goin need borrow from nobody.