Malakai 2:7 - Hawaii Pidgin Bible7 Az why, wen da pries guys talk, dass wea you go fo learn stuff, an tell dem fo teach you da Rules From God. Cuz da pries guys, dey da messenja guys fo Da One In Charge, Da God Ova All Da Armies! အခန်းကိုကြည့်ပါ။ |
Malakai 2:7
37 ပူးပေါင်းရင်းမြစ်များ
Hezekiah give good kine words to all da Levi guys, cuz dey undastan good, how fo work fo Da One In Charge. Fo seven days dey eat da food dey suppose to eat fo dat religious kine ceremony, an make da sacrifices dat show dat da peopo an God stay good wit each odda. An dey tell Da One In Charge, da God fo dea ancestas, “Mahalo plenny!”
“An you, Ezra, yoa God help you know wat fo do erytime. So, pick guys dat know how fo bring peopo back togedda wen dey huhu, an pick judge guys too. Dey goin judge all da peopo dat know da Rules from yoa God inside da West Eufrates Side. Da peopo ova dea dat donno da Rules, you gotta teach dem da Rules.
Wen I talk bout somebody dat no can see, Who you tink I stay talking bout? I stay talking bout my peopo dat work fo me! Wen I talk bout somebody dat no can hear, Dey da ones I stay sen fo tell my message! Da ones dat get one deal wit me, Fo me make eryting come good fo dem, Dey no see dat. Dey suppose to work fo me, But dey no see notting.
Wen I tell my worka guy wat fo tell, I do wat I tell him I goin do. Wen my messenja guys make plan, I make shua all dat come out okay. I da One tell dis bout Jerusalem town, ‘Bumbye goin get peopo live ova dea one mo time.’ I tell bout da towns inside Judah, ‘Peopo goin build um up one mo time.’ I tell bout da bus up towns, ‘I goin make dea wall stan up one mo time.’
Az why Da One In Charge tell me dis: “Jeremiah, if you come sorry an change, I goin let you come back by me An work fo me one mo time. If you tell me stuff dat good fo me hear, An no tell wase time kine stuff, You can talk fo me one mo time. Let dese peopo come do stuff yoa way, But you betta not do stuff dea way!
Some peopo tell: “Eh come! We go make one plan fo kill Jeremiah. Dat way, we not goin throw out da rules da pries guys teach, o throw out wat da guys dat know wat fo do erytime tell us fo do, o throw out da tings da guys dat talk fo God tell. So we goin poin finga Jeremiah an tell wat he do wrong. We no goin lissen him notting!”
Da pries guys neva aks, ‘Wea Da One In Charge stay?’ Da guys dat suppose to know da Rules fo shua, Dey donno me fo real kine. Da guys dat suppose to take kea da peopo, Dey like beef wit me. Da guys dat suppose to talk fo me, Dey talk fo da god Baal. Dey stay tight wit da idol kine gods Dass good fo notting.”
Da pries guys ova dea bus up da rules I teach an make da tings dat stay spesho fo me come pilau. Da stuff dass spesho fo me an da stuff dat no stay spesho fo me, dey no teach dass diffren. Dey teach dat no mo diffrence wit da pilau kine stuff dat make peopo so dey no can come in front me, an da stuff dat make peopo fo dem come in front me. Dey make jalike dey donno dat my Res Days stay spesho fo me. Az why dey make da peopo tink I no good an spesho.
Real bad kine stuff goin happen, one right afta da odda. Dey goin hear any kine stuff bout wat goin happen. Da guys dat tell dey talk fo God, peopo goin aks dem fo tell wat God wen show dem. Da pries guys no goin teach da rules no moa. Da older leada guys no goin tell da peopo no mo wass good fo dem.
Da One In Charge, da God Ova All Da Armies, tell dis: “You know wat I goin do? I stay ready fo sen my messenja guy. He goin make ready da road befo I go dea. Da boss guy goin show up Befo you tink he goin come Ova dea inside his Temple! Dat messenja guy da one Dat you guys tell you stay look fo him, He da messenja dat tell bout da deal. An you guys tell, ‘Us guys goin stay real good inside wen he come!’ You neva know, o wat?! Fo shua he goin come!
Den da pries guys from da Levi ohana goin come in front. Az cuz yoa God, Da One In Charge, wen pick dem fo work fo him. An he pick um fo tell Da One In Charge dey like he do good stuff fo da peopo cuz dey Da One In Charge guys. An he pick um too fo figga out wass right an wass wrong wen peopo make argue o bus up each odda.
ကြော်ငြာတွေ