Malakai 2:16 - Hawaii Pidgin Bible

¹⁶ Da One In Charge, da God fo da Israel peopo, tell: “I hate wen you divorce yoa wife, an wen you bus up peopo an make jalike you neva do notting bad!” Dass wat Da One In Charge, Da God Ova All Da Armies tell. So, you guys make shua you stay okay inside, an no bulai!

Malakai 2:16 ပူးပေါင်းရင်းမြစ်များ

Songs 73:6

Az why da bad peopo Ack high makamaka, Cuz dey proud, Jalike az one necklace dey show off. Dey ack jalike dey like bus up peopo, Jalike az one fancy kine clothes.

Smart Guys 28:13

Whoeva do stuff agains God, An den try fo cova up wat dey wen do, Garans stuff no goin come out good fo dem. Whoeva do stuff agains God, But den dey tell God dey wen do wass wrong, An no make lidat no moa, God give dem chance.

Smart Guys 5:20

Eh my boy! No good, you go all out wit somebody An dey not yoa wife, O you go grab somebody Dass not fo you.

Isaiah 28:20

Da peopo, dey no goin get one place fo hide, Jalike dey stay sleeping in one bed dass too short, Jalike dey stay using one blanket dass too small.

Isaiah 50:1

Dis one spesho message from Da One In Charge: “You guys tink yoa muddah get one divorce paypa Dat I wen make Fo tell dat I wen dump her an sen her away, o wat?! No mo da kine paypa cuz I neva do dat! You tink I owe somebody money An I sell you guys to dem fo pay dem, An az why now you dea slave?! I neva do dat too! Fo shua, I wen sell you guys, But ony cuz you wen do bad kine stuff! I wen sen away you guys muddah But ony cuz you guys go agains me!

Isaiah 59:6

Da spida webs dey make, No good fo make clotheses. Nobody can cova dem wit dat. Da kine tings dey do, ony bad kine. Dey like fight an hurt peopo.

Luke 16:18

“Whoeva dump his wife an marry anodda wahine, dass jalike he stay fool aroun somebody dass not his wife. An da guy dat marry one wahine afta her husban wen dump her, dass jalike he stay fool aroun wit anodda guy wife.”

1 Corint 7:10

I like tell da married peopo dis (but dis come from Da One In Charge, not from me): Da wife not suppose to leave her husban.