Malakai 2:14 - Hawaii Pidgin Bible

¹⁴ But you guys, you tell, “How come Da One In Charge still tink I pilau?” I tell you how come! Cuz Da One In Charge know eryting bout you an yoa wife, da one you wen marry wen you was young. He know dat you bulai her, no matta she yoa bestes fren, an you wen make one strong promise fo stay tight wit her. Az why he tink you pilau.

Malakai 2:14 ပူးပေါင်းရင်းမြစ်များ

Start 2:18

Den God, Da One In Charge, tell, “No good no mo nobody fo stay wit da guy. I goin make somebody fo him, jalike him but diffren, dat goin kokua him.”

Start 31:50

If you make any kine to my daughtahs, o if you marry odda wahines, no matta no mo nobody dat know dat. No foget: God know wat happen wit you an me.”

Smart Guys 2:17

Dat kine wahine, she wen go dump Da husban she had trus wen she was young, An she no like tink bout Da deal her an da husban wen make in front her God.

Smart Guys 30:20

An I no undastan dis too: How one wahine can fool aroun behind her husban back, Den jus go bafe fo come clean, An she tink, “Eh, I neva do notting wrong!”

Smart Guys 5:20

Eh my boy! No good, you go all out wit somebody An dey not yoa wife, O you go grab somebody Dass not fo you.

Teacha 9:9

Live good wit yoa wife dat you get love an aloha fo, all da time God give you unda da sun, no matta hard fo make sense. An bus ass unda da sun cuz az yoa kuleana unda da sun.

Love Song 1:15

Eh! You look real beautiful, Honey Girl! Real beautiful! Yoa eyes pretty, jalike dove eyes.

Isaiah 54:6

Befo time, you guys come real sad, Jalike you one wife yoa husban wen dump, An you stay sad inside. Jalike you was young An one guy wen marry you, Den he dump you. But now, jalike yoa husban call you fo come back.” Dass wat Da One In Charge tell.

Isaiah 58:3

“Dey tell me, ‘Wase time, Us guys skip food fo us pray, An you neva see dat! Wase time! Us guys no make big head bout notting, An you neva know!’ Dass how dey talk. “But you know wat you guys do?! Weneva you guys skip food, You do um fo make ony you feel good! An same time, you guys make any kine to all yoa worka guys.

Jeremiah 29:23

Az cuz dey wen ack stupid an broke da rules from God inside Israel. Dey fool aroun wit odda guys wifes. Dey use my name an tell dey talk fo me, but dey bulai—no was me tell dem fo say wateva dey tell. I know wat dey wen do an I can tell wat I wen see.” Az wat Da One In Charge tell.

Jeremiah 42:5

Dey tell Jeremiah, “Us guys like Da One In Charge hear wat we stay tell you now. Us like make shua we stay up an up wit yoa God, Da One In Charge. An he goin know if we no do eryting dat he tell you fo us do. Cuz fo real, dass wat we goin do.

Jeremiah 8:12

You tink dey come shame cuz dey do pilau kine stuff? Nah! Dey no mo shame! Dey no even know how fo ack jalike dey shame! Az why dey goin fall down Wit da odda peopo dat get kill. I goin bring dem down Wen I come fo punish dem!” Az wat Da One In Charge tell.

Jeremiah 9:2

Too bad no mo one place inside da boonies Fo me stay dea nite time. Den fo shua I can go way from my peopo An stay ova dea. Cuz all my peopo fool aroun wit odda gods Jalike dey fool aroun wit peopo dat not dea wife o husban. You no can trus dem cuz dey bulai.

Ezekiel 16:8

“ ‘Da nex time I go by dea, I wen look you, an I see dat you stay ol enuff fo make love. I spread da corna a my blanket ova you fo cova you cuz you stay naked. Dass how I show I goin take kea you fo come my wife. I make one strong promise to you an make one spesho deal wit you fo you come mines. Az wat me, Da One In Charge, da Boss, tell.

Micah 1:2

All you peopos, lissen dis! Erybody on top da earth, lissen good: Da One In Charge a me stay inside Da Temple dat stay spesho fo him, He poin finga you guys.

Malakai 2:15

Fo shua God wen make you an yoa wife one?! He da One dat own you guys body an spirit. An you know why Da One In Charge wen make you one? So wen you get kids, dey stay all out fo God! Az why you guys take kea fo stay okay inside, an no bulai da wife you wen marry wen you was young.

Malakai 3:5

Da One In Charge Ova All Da Armies tell dis too: “I goin go by you guys in front da judge right den an dea, I goin tell da judge wat I know bout you guys, Bout da ones dat make kahuna kine ceremony, An da ones dat fool aroun behind dea wife o husban back, An da ones dat make one strong promise but dey bulai, An da ones dat make trouble fo dea worka guys cuz dey no like pay um, An make trouble fo da widows an da kids dat no mo faddah o muddah, An da ones dat give one hard time to da peopo from anodda place. All dose peopo, dey no sked me!”

Malakai 3:8

Da One In Charge tell, “You guys tink anybody can steal someting from God, o wat? No way! Cuz you da ones dat stay steal stuff from me, you know.” But you guys tell, “How us guys stay steal from you?!” Da One In Charge tell, “You guys owe me ten percent a eryting you get, an odda gifs, you know. Wen you guys no pay, you stay steal from me!

Local Leadas 11:10

Da older leadas from Gilead tell Jeftah, “Da One In Charge da one dat hear wat us guys tell you. Fo shua we goin do wat you wen tell!”

1 Samuel 12:5

Samuel tell um, “An I neva do notting lidat. Today, Da One In Charge know all dat, an da king he wen pick, he know all dat too. An if bumbye you guys poin finga me, dey goin tell dat dey know you guys wrong!” Da peopo tell, “Yeah, fo shua! Da One In Charge an da King goin grumble bout us guys!”