Malakai 1:11 - Hawaii Pidgin Bible

¹¹ “All ova, from wea da sun come up to wea da sun go down, all da peopos know I get one importan name. Dey bring stuff fo make sacrifice cuz dey know wat kine god me, an dey bring incense an da kine gifs dat no mo notting wrong wit dem. Dass cuz da diffren peopos dat know who me, dey know I importan.” Dass wat Da One In Charge, Da God Ova All Da Armies tell.

Malakai 1:11 ပူးပေါင်းရင်းမြစ်များ

1 Records 16:25

Cuz Da One In Charge real importan. Az good, wen peopo tell good stuff bout him! Stay sked a him Mo den you sked a all da odda gods.

Songs 111:9

He wen do wat he gotta do Fo get his peopo outa trouble. He wen tell dat Da deal he wen make wit dem, Goin stay foeva. Wen you know wat kine god him, You know dat he stay good an spesho, An you know you betta Come sked a him.

Songs 113:3

All ova, from da place da sun come up To da place da sun go down, Good fo tell how good Da One In Charge stay!

Songs 138:5

Dass why dey goin sing Bout how you do tings. Dey goin tell: “Da One In Charge, He stay real awesome!”

Songs 141:2

Wen I pray, go make wat I pray be okay, Jalike incense dat oua peopo burn Wen dey make one sacrifice in front you, Wen I put up my hands fo pray, Make um be Jalike da late aftanoon sacrifice.

Songs 45:17

I goin make shua Da peopo dat goin live bumbye Goin know wat kine king you, An same ting fo da peopo Dat come afta dem. Dass why all da diffren peopos Goin tell dat you good, Fo real long time afta.

Songs 48:10

Eh God, get peopo Inside da mos far place On top da earth, Dat know wat kine god you, An dat tell dat you da greates. You get da powa Fo do da right ting erytime.

Songs 48:11

Da peopo dat stay live Mount Zion Stay good inside. Da peopo from da towns All ova Judah side, Stay good inside too. Cuz you judge peopo da right way.

Songs 50:1

Da God Wit All Da Powa, Da One In Charge, he tell dis. He tell da peopo From all ova da world Fo come by him, From da place wea da sun come up, To da place wea da sun go down.

Songs 65:9

You no foget fo do good tings fo da land. You give da land eryting he need. You make da dirt come plenny rich. God, you get plenny watta ditch, full a watta. Az how you give da peopo Plenny wheat fo harves, Cuz az how you stay make da land ready fo plant.

Songs 67:2

Wen you do dat, Peopo all ova da world Goin find out da way you do tings, An all da nations goin know Dat you get um outa trouble.

Songs 86:9

You my Boss! You wen make All da diffren peopos. Dey all goin come by you An go down in front you. Dey show choke respeck fo you. Cuz dey know wat kine god you.

Songs 96:8

Tell dis too: “Da One In Charge, We know wat kine god him, An he awesome fo shua!” Wen you go inside Da open lanai fo his Temple, Bring someting fo show You get respeck fo him.

Isaiah 12:4

Dat time, you guys goin tell, “Tell Da One In Charge ‘Mahalo!’ Tell him fo help you cuz you know wat kine god him! Go by all da diffren peopos Fo make shua dey know wat kine tings he can do! Help erybody fo no foget Dat wen you know wat kine god him, You know he da greates!

Isaiah 12:5

“Sing bout Da One In Charge, Cuz he do awesome kine stuff. Let peopo all ova da world know bout dis!

Isaiah 19:21

Da One In Charge goin let da Egypt peopo know who him. Wen dat happen, dey goin come tight wit him. Dey goin pray to him an bring animal sacrifices an wheat an barley sacrifices to him. Dey goin make strong promises to him, an dey goin do wat dey wen promise fo do.

Isaiah 30:27

Look! You know wat kine god Da One In Charge! Now he come from one far place. He stay real huhu, Jalike he stay burning, An plenny smoke stay coming outa him! He ony talk bout Wat da guys dat stay agains him stay do. He no goin take dat. Wen he talk, jalike wat he tell, Goin burn eryting up.

Isaiah 45:6

An how come I stay do all dat?! I do um fo da peopo all ova da world, From wea da sun come up To wea da sun go down, Know dat no mo anodda god. Me, Da One In Charge. I da ony One.

Isaiah 54:5

Az cuz fo my peopo, You jalike da wahine dat get husban now— Cuz jalike I yoa husban, Da One wen make you! Me, Da One In Charge, Da God Ova All Da Armies, Dass my name! I da One dat pay da price Fo get you outa trouble, I Da Good An Spesho God Fo da Israel peopo! Da God Fo Da Whole World, Dass wat dey call me!

Isaiah 59:19

Da peopo from da west side, Dey goin get respeck fo Da One In Charge Wen dey find out wat kine god him. From da east side, wea da sun come up, Dey goin get respeck fo him Wen dey see how awesome he stay. Wen Da One In Charge come, Goin come jalike one flood inside one small gulch, An wit one strong wind from Da One In Charge Dat goin make um move fas.

Isaiah 66:18

“But me, I know Eryting dey do, an eryting dey tink. I ready fo come Fo bring togedda all da diffren peopos An all da diffren languages. Wen dey come, dey goin see How awesome I stay.

Jeremiah 10:6

Da One In Charge, no mo nobody stay jalike you. You da bestes! Wen peopo know wat kine god you, Dey know you strong an can do awesome kine stuff!

Jeremiah 10:7

Erybody gotta get choke respeck fo you! Cuz you da king fo all da peopos. Az who you! Da diffren peopos get dea guys dat know wat fo do erytime, An dey get dea kings, But still yet no mo nobody stay jalike you!

Jeremiah 4:2

Wen you guys make one strong promise, You gotta tell, ‘I shua Da One In Charge stay alive, Same ting I stay shua I goin do dis.’ You gotta tell da trut fo real kine, An judge da right way, Keep all da rules, An do wass right. If you guys do all dat, Den, wen diffren peopos tink bout me, Da One In Charge, Dey goin tell, ‘Da One In Charge do good kine stuff fo us guys!’ An dey goin talk big bout me cuz dey know me, Da One In Charge.”

Daniel 2:45

Dass wat da big rock you wen see mean. But nobody wen broke dat rock outa da mountain—da rock dat broke da iron, da bronze, da clay, da silva, an da gold, in small piece. “Da mos importan God wen let you, da king, know wat goin happen bumbye. Da dream stay true, an you can trus wat I tell you bout da dream.”

Amos 9:12

Cuz a dat, da Israel peopo goin take ova wat still stay from da Edom land An all da odda countries dat was mines befo time.” Dass wat Da One In Charge tell, da One dat goin do all dat.

Micah 5:4

Da leada goin stan up an take kea his peopo, Jalike one sheep guy take kea his sheeps. He goin stay strong cuz he stay tight wit Da One In Charge, An cuz he know wat kine god, his God, Da One In Charge. Den da peopo goin live dea, An nobody goin bodda dem. Cuz peopo all ova da world Goin know dat da Israel leada guy real importan.

Zefaniah 2:11

Da One In Charge goin make awesome an unreal kine to dem, Wen he make all da gods all ova da world come weak. Den even da peopos dat live on top da far islans, Goin show Da One In Charge love an respeck inside dea land.

Zefaniah 3:9

“Dat time, I goin clean up da way all da peopos talk, So dey talk good kine bout me! Den all a dem goin call out to me, Da One In Charge, fo help um, Cuz dey know wat kine god me. Dey all goin work togedda fo me.

Zekariah 8:7

Dis wat Da One In Charge, Da God Ova All Da Armies, tell: “I goin get my peopo outa trouble from da lands on da east side an da west side.

Malakai 1:14

But I tell, get times wen one guy make one promise fo make one sacrifice to me, an he get one good boy kine sheep fo da sacrifice. But den da guy tink he can bulai God. Az why he ony bring one no good kine sheep fo me. But you know wat? Me, Da One In Charge, goin put kahuna on top dat guy! Cuz Da One In Charge, Da God Ova All Da Armies, tell: “I da big king. Az why wen all da diffren peopos find out wat kine god me, dey show real respeck.”

Malakai 3:3

Da messenja guy goin make jalike da guy Dat melt da silva fo take out da junk stuff. Da guys dat come from Levi, He goin make dem come all clean inside. He goin throw out all da junk kine stuff inside dem, Jalike he melt da gold an silva fo burn up da junks. Den, da Levi peopo goin be da ones Dat make da sacrifices fo Da One In Charge. Cuz den, dey goin be da kine peopo Dat stay do da right ting.

Census 7:74

one gold dish dat weigh bout four ounces an stay fill up wit incense;

Matthew 28:19

So you guys, go all ova da world an teach all da diffren peopos fo dem learn bout me an come my guys. Baptize dem, an dey goin get da right fo come tight wit my Faddah, an wit me his Boy, an wit da Good An Spesho Spirit.

Matthew 8:11

An I like tell you guys one mo ting: wen God in da sky stay King, goin get plenny guys dat goin come from far away an all aroun, east side an west side, an dey all goin make big party togedda wit Abraham, Isaac, an Jacob.

Luke 1:10

An all da peopo stan outside praying wen da time come wen Zekariah suppose to burn da incense.

Rome 12:1

My braddahs an sistahs, so den, wat? God, he give you guys plenny chance. Az why I like tell you dis: Let God stay in charge a you, jalike you give God one sacrifice dat stay alive. You guys know wat God like fo you guys do? He like you guys go all out fo him. Wen you make lidat, az good you know, cuz dass how you show God love an respeck.

Rome 15:16

God wen make me one worka guy fo Jesus Christ fo tell all da diffren peopos da Good Stuff Bout God, jalike one pries guy. God do dat cuz he like all da diffren peopos come jalike one present fo him dat make him come good inside. An da Good An Spesho Spirit goin make dose peopos be good an spesho fo God.

Philippi 4:18

Me, I get eryting I need, an mo plenny still yet. I get enuff cuz a all da gifs you guys give Epafroditus fo give me. God like wat you guys wen do. Dass jalike da kine sacrifice dat smell real nice to him.

2 Tessalonika 1:12

Den, wen you guys make lidat, erybody goin tell good tings bout Jesus, Da One In Charge, cuz dey goin know how awesome he stay. An cuz a him, dey goin tell good tings bout you guys too. All dat goin happen cuz oua God, an Da One In Charge, Jesus, God Spesho Guy, dey like do plenny fo you guys.

1 Timoty 2:8

I like da peopo all ova da place fo pray. Wen dey pray, dey gotta be good an spesho fo God, an no make argue o stay mad at da odda guy. Den az okay fo dem put dea hands in da air fo pray.

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”

Jesus Show 15:4

You Da One In Charge, An erybody goin get respeck fo you An tell how awesome you stay. Cuz you mo spesho an good den all da peopo. All da diffren peopos from all ova da world goin come, An show you love an respeck. Cuz dey wen see all da good an right tings You wen do!”

Jesus Show 5:8

Afta he take um, da four tings dat stay alive an go ery place God go, an da twenny-four older leadas, dey go down in front da Bebe Sheep Guy. Dey all get harp an gold kine bowl wit incense inside. Da incense, dass jalike all da tings da peopo dat stay spesho fo God aks him fo do.