Luke 8:27 - Hawaii Pidgin Bible

²⁷ Jesus go on top da beach. One guy from dat town come dat get some bad kine spirits in charge a him. Long time dat guy neva wear clotheses o stay inside one house, but he stay inside da caves wea dey put da mahke guys.

Luke 8:27 ပူးပေါင်းရင်းမြစ်များ

Isaiah 65:4

Nite time, dey sit inside da graveyard. Dey stay all nite inside da secret places. Dey eat da pig meat dat stay kapu, An make stew outa odda kine kapu meat Dat make dem so dey no can pray.

Census 19:16

“Anybody dat stay outside, an dey touch one mahke guy ova dea, no matta somebody wen kill um wit one sword, o dey mahke regula kine, o if somebody touch one bone from one mahke guy, o dey touch one open grave, dey no can come in front me fo seven day.

Matthew 4:24

Erybody hear bout him, from dea all ova Syria side. Dey bring all da peopo wit all kine sick by him: erybody dat hurt, an suffa plenny, da peopo dat get bad spirits dat take ova dem, peopo dat shake an roll all ova, an peopo dat no can move. An Jesus make um all come good.

Mark 5:15

Wen dey come by Jesus, dey spock da guy dat befo get da uku pile a bad kine spirits dat wen take ova him. He look diffren now. He all dress up, an not pupule no moa. Az why da peopo come real sked.

Luke 8:26

Dey ride boat da odda side a Galilee Lake to da Gerasa town fields.

Luke 8:28

Plenny times befo, one bad spirit take um ova. No matta da guy get chains on his hands an feets, an anodda guy watch um real good, he still broke da chains. An da bad spirit make da guy go odda places wea nobody stay. So wen da spirit spock Jesus, da guy yell, an fall down by Jesus feet. Jesus tell da bad spirit, “Let go da guy!” Da spirit yell, “Eh, wat you like do to me, Jesus? Da God Dass Mo Importan Den All Da Odda Gods, I know you his Boy! I beg you, no hurt me!”

1 Samuel 19:24

Saul quick take off his clotheses dea jalike da odda guys, an he stay talk fo God in front Samuel. He lay dea naked all day an all nite. Az why da peopo tell, “Even Saul ack jalike one guy dat talk fo God too, aah?!”