Luke 7:39 - Hawaii Pidgin Bible

³⁹ Wen da Pharisee guy dat tell um fo come see dat, he tink, “Eh, if dis guy was one guy dat talk fo God fo real kine, den he know wat kine wahine stay touch him. He know she one wahine dat do bad kine stuff.”

Luke 7:39 ပူးပေါင်းရင်းမြစ်များ

2 Kings 5:20

Gehazi, he work fo Elisha, da guy dat stay tight wit God. Gehazi figga, “Bummahs! My boss no like take notting from all da stuff dat Naaman da Aram guy like give him. Jalike fo shua Da One In Charge stay alive, so I stay shua I goin go run afta Naaman, an try get someting from him.”

Smart Guys 23:7

Cuz dat kine guy, Wen he tell you, “Eat up! Drink plenny!” Inside him, he tink all da time, “How much I gotta pay fo dis guy, aah?” He no tink bout you.

Isaiah 65:5

Dey tell, ‘Da One In Charge! No come nea me, stay ova dea, Cuz I wen make spesho fo my gods, An you no stay spesho fo my gods!’ Me, Da One In Charge, dat kine peopo make me mad, Jalike smoke inside my nose, Jalike one fire dat stay burn all day.

Matthew 20:16

Den Jesus tell, “Da guys dat come las, goin come firs, an da guys dat come firs, goin come las.”

Matthew 21:11

An plenny peopo tell um, “Dass da Guy dat talk fo God. Az Jesus from Nazaret town, Galilee side.”

Mark 7:21

Get all kine bad kine stuff come out from inside peopo. Dass how erybody tink how dey can do bad kine stuff: dey not married to da one dey fool aroun wit; dey rip off da odda peopo; dey murda peopo; dey married an still yet go fool aroun;

Luke 12:17

He tink, ‘Wat I goin do? I no mo place fo store my wheat an odda stuffs.

Luke 15:2

But da Pharisee guys an da teachas dat teach da Rules From God wen squawk. Dey tell, “Dis guy get peopo wit one bad rep fo his frenz, an he even eat wit dem.”

Luke 16:3

“Da luna figga, ‘Wat I goin do now? My boss goin fire me, an I not strong enuff fo dig ditch, an I shame fo beg.

Luke 18:4

Long time da judge neva like do notting. Den in da end he figga, ‘No matta I no sked God an I no mo respeck fo da peopo,

Luke 3:8

Jalike one fruit tree give same kine fruit, you guys gotta do da kine good stuff dat show dat you no do all kine bad stuff no moa. Eh! No start fo tink, ‘Us guys can do wat us like, cuz we get Abraham fo oua main faddah.’ I stay telling you guys now, God can take dese rocks ova hea an make kids fo Abraham outa dem.

Luke 7:16

Erybody come real sked, an dey talk good bout God lidis, “Az one importan guy dat talk fo God come by us! God come fo take kea his peopo!”

Luke 7:37

Had one wahine from dat town dat do bad kine stuff an fool aroun. She hear dat Jesus stay sit inside da Pharisee guy house, an she bring one bottle da kine dey make from da alabaster kine stone, full wit perfume.

Luke 7:38

She stan behind Jesus by his feets. She stay cry, an her tears make his feets wet. Den she wipe his feets wit her hair, kiss um, an pour da perfume on top dem.

Luke 7:40

Jesus tell him, “Eh Simon, I like tell you someting.” Simon tell, “Yeah, Teacha? Tell me.”

John 4:19

Da wahine tell, “Mista, now I know fo shua you one guy dat talk fo God.

John 7:12

All da peopo stay talk bout him to each odda. Some peopo tell, “He one good guy, you know.” Odda peopo tell, “Nah! He bulai da peopo.”

John 9:24

So dey tell da guy dat no stay blind no mo fo come back one mo time. Dey tell, “Eh! Tell da trut in front God! Us guys know fo shua dat dis buggah Jesus, he one bad guy.”