Luke 6:25 - Hawaii Pidgin Bible

²⁵ Bummahs you guys dat stay full now! You goin come hungry! Bummahs you guys dat laugh now! You goin come real sad an cry!

Luke 6:25 ပူးပေါင်းရင်းမြစ်များ

Songs 49:19

But him stay going Wea all his ancesta guys stay, To da place wea dey no goin see Da light no moa.

Smart Guys 14:13

Sometime, peopo laugh even wen dey feel sore inside. Wen pau party, dey still yet feel sore inside.

Smart Guys 30:9

No good I get eryting I like get, An den ack jalike I donno you, God, An tell, “Who Da One In Charge?! He no mean notting fo me!” An no good I come real pooa so I no mo notting, An den I start fo steal stuffs from odda peopo, An give you, my God, one bad rep.

Teacha 2:2

I tell, “Wen I laugh, az stupid! An wen I feel good inside, wat fo?”

Teacha 7:3

Mo betta stay sad inside den laugh, Cuz one sad face make you tink strait!

Teacha 7:6

Wen da stupid guys laugh, Az jalike wen thorn branches pop inside one fire. Dat no make sense too.

Isaiah 28:7

But nowdays, even dose guys Fall down cuz dey drink too much wine An no can walk good cuz a da beer! Even da pries guys an da guys dat talk fo God, Dey fall down cuz a da beer An no can figga right cuz a da wine. Wen God like show um someting jalike one dream, Dey no undastan um an dey tell um az wrong Wen dey gotta judge wass right an wass wrong, Dey no can do um, cuz dey stay jam up.

Isaiah 65:13

Az why Da One In Charge a me tell dis: “You know wat? My worka guys goin eat, But you guys goin stay hungry. My worka guys goin drink, But you guys goin stay thirsty. My worka guys goin stay good inside an dance an sing, But you guys goin come shame.

Isaiah 8:21

Da peopo goin go all ova da land, one side to da odda side. Dey goin feel plenny presha an dey goin stay hungry. An cuz dey hungry, dey goin come real huhu. Dey goin look up an swear at dea king an dea God.

Isaiah 9:20

Ova one side, dey goin steal food an eat, But still yet dey hungry. Ova hea one side, dey eat stuff, But dey no come full. Dey even goin eat dea kids.

Amos 8:10

Wen you guys make one religious kine ceremony dat make you feel good, I goin change um an make you guys come sad. Wen you guys sing, I goin make you guys sing one sad kine song. I goin make erybody stay sad inside An wear burmbag kine cloth An shave bolohead fo show dey stay sad inside. Goin be jalike wen da faddah-muddah guys come sad Cuz dea one an ony boy mahke. Dat time, goin be jalike eryting taste real bad, till da end.”

Nahum 1:10

Jalike he goin make dem come All jam up inside da thorn bushes. Dey goin come piloot from drink dea wine. Dey goin come burn up jalike da dry junks from da wheat.

Luke 12:20

But God tell, ‘Eh brah! Wat you tinking! Tonite you goin mahke! Den who goin get all da stuffs you wen stack up?’

Luke 13:28

From wea you guys goin go, you goin see Abraham, Isaac, an Jacob, an all da guys dat wen talk fo God. Dey goin stay dea wit God da King, but God goin throw you guys outside. Den you guys goin cry an grind yoa teet cuz you so mad an futless.

Luke 6:24

“Bummahs you guys dat stay rich now! You get da easy time awready.

Luke 6:26

Bummahs wen erybody talk good bout you guys! Cuz you know, long time befo time dea ancesta guys wen talk good bout da fake guys dat tell dey talk fo God but dey neva.”

Luke 8:53

An dey all laugh an make fun a him, cuz dey know she mahke.

Efesus 5:4

No go talk pilau kine o stupid kine. No make pilau kine joke cuz dat kine talk not good, you know. Mo betta tell da tings God wen do fo you guys. Tell da stuff dat make you guys like tell God “Mahalo plenny!”

1 Tessalonika 5:3

Erybody goin tell, “Eh, eryting goin good! Notting goin happen to me!” Den bummahs! Right den an dea dey goin get it! Goin be jalike wen da pain hit da hapai wahine. No way peopo can run away from dat kine!

James 4:9

Dat mean, you guys gotta come real sorry, an suffa inside, an cry hard. No laugh no moa, an start fo cry. No feel good inside, but come real sore inside long time.

Jesus Show 3:17

You guys tink, “Me, I stay rich. I get plenny, an no need notting!” Horraz! You guys donno still yet dat you all jam up! You guys no mo face, no mo money, no mo clotheses, an no can see!’

1 Samuel 2:5

An dose buggahs dat befo time get plenny food An come real momona, Now dey gotta bus ass fo find stuff fo eat. But da peopo dat no mo food, Now, dey no stay hungry no moa. An da lady dat no can come hapai, Now goin get seven kids. But da muddah dat get plenny boys befo, Now she no mo!