Luke 3:17 - Hawaii Pidgin Bible

¹⁷ Dat mean, da Christ Guy goin punish da peopo dat stay do bad kine stuff. Jalike one farma guy put da wheat inside da basket an let da wind blow out all da junk kine stuff from da wheat, den he put da wheat inside da storage place. Afta dat, he burn da junk kine stuff.”

Luke 3:17 ပူးပေါင်းရင်းမြစ်များ

Songs 1:4

Da guys dat broke da Rules from God, Dey not like God peopo. Dey jalike da junks from da wheat Dat da wind blow all ova da place.

Isaiah 30:24

Da cows an donkeys dat plow da groun Goin eat spesho kine cow food Dat you guys make, An get salt inside, An no mo junks in um Cuz da peopo use shovel an pitchfork Fo throw um up in da air An let da wind clean um.

Jeremiah 15:7

Den Da One In Charge tell: “I goin judge da Judah peopo Wea da judges come togedda inside dea towns all ova da land, Jalike peopo throw da wheat in da air Fo da wind blow away da junks. I goin wipe dem out An make shua dea kids mahke, Cuz dey no change wat dey do.

Micah 4:12

But da Jerusalem guys donno wat Da One In Charge plan fo do. Dey no can tink why he bring dem ova dea fo punish dem, Goin be jalike wen da farma guys harves da wheat An bring um one place Fo go drag one heavy board wit plenny spikes ova dem Fo clean out da junks from da wheat.

Matthew 13:30

Let um grow togedda till dey stay ready. Den pull out da weeds firs, an tie um togedda fo burn. Den harves da wheat, an put um inside da storage place.’ ”

Matthew 3:12

Jalike he goin throw all da wheat fo let da wind blow all da no good parts from da wheat, an den he goin put dat wheat inside da storage place. Afta dat, he goin burn all da no good parts inside da fire dat no goin pio eva.”

Luke 3:18

John tell da peopo plenny mo stuff fo help dem trus da Good Stuff From God.