Luke 23:43 - Hawaii Pidgin Bible

⁴³ Jesus tell him, “Eh, you get um! An I tell you dis: Today you goin be wit me inside God Beautiful Place.”

Luke 23:43 ပူးပေါင်းရင်းမြစ်များ

Songs 32:5

But den, I wen tell you fo real kine Dat I wen do bad tings, An I no try fo hide no moa Wat I know was wrong fo me do. I wen make up my mind, Dat I goin tell Da One In Charge All da tings I wen do agains you. Cuz a dat, you wen let me go, An hemo da shame Fo da bad tings I wen do. (Time out fo da music.)

Songs 50:15

Erytime you get hard time, You gotta aks me fo help you. Den I goin get you outa trouble. An you goin tell peopo How awesome I stay.”

Isaiah 53:11

Afta da guy dat work fo Da One In Charge Work real hard an suffa plenny, He goin see wat happen cuz a all dat, An he goin feel good inside. Da One In Charge tell, “Cuz my worka guy know wat he stay do, An cuz he do da right ting erytime, He goin make plenny peopo Get um right wit me. Az cuz he da one take da blame Fo all da bad kine stuff dose peopo do.

Isaiah 65:24

Befo dey yell fo help, I help um. Wen dey still stay talking, I hear dem awready.

Micah 7:18

Den Micah tell: “No mo anodda god jalike you! You let go da peopo dat still stay alive, No matta dey wen do bad kine stuff. You hemo all da shame dey get cuz dey wen go agains you, An you no stay huhu long time. You take da peopo dat stay come back by you, Cuz you stay good inside wen you stay tight wit dem.

Luke 19:10

Cuz me, da Fo Real Kine Guy, I wen come hea fo look fo da guys dat stay cut off from God, fo take um outa da bad kine stuff dey stay do.”

Luke 23:42

An da guy tell Jesus, “Jesus, no foget me wen you come da King!”

John 14:3

Afta I go an make da place ready, I goin come back, an bring you guys ova dea wit me. Dass how da place I stay, you guys goin stay dea too.

John 17:24

“Faddah, I like erybody dat you wen give me come by me wea I goin stay, cuz I like dem see how awesome I stay. Cuz you get love an aloha fo me, an you wen make me awesome befo us make da world.

2 Corint 5:8

Us guys feel real good inside bout dis. Dass why we figga, mo betta leave dis body hea, an go live up dea wit Da One In Charge.

Philippi 1:23

I get presha dis way an dat way! Me, I like bag an stay wit Christ awready! Dass mo betta, aah?

Hebrews 7:25

Jesus, he no stay mahke, he stay alive foeva. All da time he stay dea fo tell God fo help fo da peopo dat come to God cuz a him. An dass how he get da powa fo hemo dem real good from all da bad tings dey stay in.

Jesus Show 2:7

“If you guys can hear dis, you betta lissen, an go do wat God Spirit stay tell da church peopo fo do!” Erybody dat fight an win ova da bad kine stuff, I goin give um da right fo eat from da tree Dat make peopo come alive fo real, Dat stay inside God Beautiful Place.