Luke 22:42 - Hawaii Pidgin Bible

⁴² like dis: “Faddah, if you like, no let me suffa lidis. But gotta be da way you like, not da way I like.”

Luke 22:42 ပူးပေါင်းရင်းမြစ်များ

Songs 40:8

You my God, An wen I do wat you like fo me do, Dat make me come good inside! Da Rules you teach stay inside me.

Isaiah 51:17

Wake up! Wake up! Stan up, you Jerusalem peopo! Befo time, Da One In Charge wen stay huhu wit you guys, An he make you guys suffa plenny! Jalike he make you guys drink wine From inside one wine bowl he give you, An you drink da whole ting, An you, you no can walk strait cuz a dat.

Isaiah 51:22

Dis, one spesho message from Da One In Charge a you guys, From yoa God, da one dat stay help his peopo: “Look! Now I take away yoa trouble. Befo time, I wen make you guys suffa plenny Cuz I stay huhu wit you guys. Jalike I make you guys drink da wine From inside one bowl, An you no can walk good cuz a dat. But you guys no goin get dat kine trouble From me no moa. No way you goin drink from dat wine bowl Again, no moa.

Jeremiah 25:15

Dis wat Da One In Charge, da God fo da Israel peopo, tell me: “Take dis cup from my hand. Da wine inside da cup, jalike stay dea fo show dat I no like wat da diffren peopos do. Wea eva I sen you, make dem drink dis wine.

Matthew 11:25

Dat time Jesus tell, “God, you my Faddah. You Da One In Charge all ova da sky an da world. Mahalo plenny, eh, cuz you show dis kine stuff to da kids, but hide um from da smart guys dat know plenny.

Matthew 11:26

Yeah, you my Faddah, an dass how you like um happen.”

Matthew 20:22

Jesus tell, “You donno wat you stay tell. You figga you guys can suffa jalike I goin suffa?” Dey tell, “Yeah, can handle.”

Matthew 26:39

He walk mo down, an go down on top da groun, an talk to God lidis: “God, you my Faddah. If can, no let me suffa lidis. But if no can, dass okay. I like do um da way you like, not da way I like do um.”

Matthew 26:42

Den Jesus pray to God one mo time an tell, “Faddah, if dis kine suffa no can go way from me, az okay, I still yet goin do um. I like do da way you like me fo do um.”

Matthew 26:44

So he go way from dem one mo time, an pray to God one mo time, an he tell da same ting jalike he pray befoa.

Matthew 6:10

We like you come da King fo erybody. We like erybody make how you like, Ova hea inside da world, Jalike erybody up dea inside da sky Make how you like.

Mark 14:36

Den he tell, “Daddy, you my Faddah. You can do eryting. No let me suffa lidis. But wateva you like, dass okay. I do um da way you like do um.”

Luke 23:34

Jesus tell, “Faddah, let dem go fo dis bad ting dey stay doing. Dey donno wat dey stay doing!” Da army guys throw dice fo take Jesus clotheses.

John 18:11

Jesus tell Peter, “Put back yoa sword! My Faddah tell I suppose to suffa all dis kine stuff, an dass wat I goin do! Jalike he give me one cup full wit bitta kine stuff fo drink, an I goin drink da whole ting.”

John 4:34

Jesus tell, “I do wat God like, an I do all his work. Dass jalike food fo me.

John 5:30

“Wen I do someting, dass not me, cuz I no can do notting. I da judge, but wen I tell who do good o bad, dat come from wat my Faddah tell me. Dass how come I can judge um right, cuz I no try fo do wat I like do, but ony wat my Faddah like fo me do. He da One dat wen sen me.

John 6:38

I come down from da sky. I neva come fo do any kine how I like, but fo do wat my Faddah like. He da One dat sen me.

Jesus Guys 21:14

Us no can make Paul stay, az why we pau try change his mind. An we tell, “Wat Da One In Charge like, dass wat goin happen.”