Luke 22:32 - Hawaii Pidgin Bible

³² But I wen tell God fo help you, Peter, so you trus God an no give up. Afta you come sorry an come back by me, kokua yoa braddahs.”

Luke 22:32 ပူးပေါင်းရင်းမြစ်များ

Matthew 18:3

He tell, “I tell you guys dis fo shua: If you guys no change an start fo tink jalike one litto kid, no way God in da sky goin be yoa King.

Matthew 26:75

Den Peter rememba wat Jesus wen tell, “Befo da roosta crow, you goin tell three time you donno who me.” So den Peter go outside an come all hamajang an cry real hard.

Mark 14:72

Right den an dea da roosta crow one mo time. Den Peter rememba wat Jesus wen tell, “Befo da roosta crow da secon time, three time you goin tell you donno who me.” An Peter broke down an cry real hard.

Mark 16:7

Den, go tell his guys an Peter, ‘Jesus goin go Galilee side befo you guys go dea. Dass da place wea you guys goin see him, jalike he wen tell you guys.’ ”

Luke 8:13

Da seeds on top da rocks, dass da peopo dat take wat God tell, an dey stay good inside wen dey hear um. Dey trus God litto bit, but wen get hard time dey pau trus, cuz dey no mo deep root, jalike da seeds on top da rocks.

John 14:19

Litto wile moa, da peopo inside da world no goin see me. But you guys goin see me. Cuz I goin come back alive, dass why you guys goin come alive fo real kine.

Jesus Guys 3:19

“So den, you guys gotta change how you tink an no do all da bad kine stuff you stay do befo time. You gotta stay tight wit God. Den he goin hemo yoa shame fo all da bad kine stuff you guys wen do.

Rome 8:32

God neva even hold back his Boy. He wen make um come one sacrifice fo help all us guys. God wen give his Boy fo mahke fo us. Dat mean God no hold back notting. He give us ery good ting to da max!

Rome 8:34

Eh! No mo nobody dat can tell God gotta punish his peopo. Cuz Jesus Christ, he da One wen mahke. An mo spesho den dat, he da One dat God make um come back alive afta he mahke. From dat time, he stay in da mos importan place, by God right side. Same time, Jesus da One dat stay tell God fo help us guys!

2 Timoty 2:18

Dem guys wen go away from wass true. Dey tell, “Da mahke guys, dey wen come back alive awready.” Dey jam up some peopo, an den dose peopo no like trus God no moa.

Titus 1:1

Titus, my boy! Aloha! Dis from me, Paul, da worka guy fo God. Jesus Christ, da Spesho Guy God Wen Sen, he wen sen me all ova fo tell peopo bout him. Jesus wen sen me fo help all da guys God wen pick fo trus him. An anodda ting—he sen me fo help dem know fo shua da trut bout how we suppose to make wen we come close to God.

Hebrews 12:15

Watch out fo each odda, how you live. No good if somebody tell “Laytas” to all da good kine stuff dat God like do fo us. Dass jalike wen get one bad kine plant dat shoot up an make all da odda plants come poho. Dat kine guy goin make plenny odda peopo come pilau inside.

Hebrews 7:25

Jesus, he no stay mahke, he stay alive foeva. All da time he stay dea fo tell God fo help fo da peopo dat come to God cuz a him. An dass how he get da powa fo hemo dem real good from all da bad tings dey stay in.

1 Peter 1:1

Dis letta from Peter. Jesus Christ wen sen me all ova da place fo tell peopo da Good Stuff from him. I stay write to all you guys dat God wen pick. You guys live all ova Pontus, Galatia, Cappadocia, West Asia, an Bitynia. No matta you guys not from ova dea.

1 Peter 1:13

So den, make ready fo tink good bout all dis stuff. Try tink clear fo know wat fo do erytime. Stay ready fo go all out fo trus Jesus Christ till God bring him back. Cuz dass wen God goin give you guys all da good kine stuff.

1 Peter 1:5

You guys trus God, an he get plenny powa fo proteck you guys. He take kea you guys, an he no let nobody hemo you guys from him. Wen da las day come, he goin show how he wen get you guys outa da bad kine stuff you wen do.

2 Peter 3:14

So den, my good frenz, all da time you stay waiting fo dis happen, go all out fo be da bestes kine peopo da way God see you guys. Den nobody goin poin finga you guys fo show you get someting wrong wit you. An go all out fo live so notting bodda you guys.

1 John 2:19

Dem guys wen go way from us, but dey neva was wit us. If dey was oua guys, den fo shua dey stay wit us. But dey wen go way, an dat show dat all dem guys neva was oua guys.