Luke 22:29 - Hawaii Pidgin Bible

²⁹ I goin make you guys come kings jalike my Faddah wen make me one king.

Luke 22:29 ပူးပေါင်းရင်းမြစ်များ

Matthew 24:47

Dass right! An I tell you guys dis too: Da boss goin put dat guy in charge a eryting he get.

Matthew 25:21

“Da boss tell, ‘Eh good! You wen do good. I trus you. You do good wit ony litto bit. I goin put you in charge a plenny stuff. Go come an stay wit me. I stay good inside, an same ting, az how I like you stay good inside too.’

Matthew 25:34

“Me, da King. Dat time I goin tell da guys on my right side, ‘Go come ova hea! My Faddah like do plenny good kine stuff fo you guys, an give you guys eryting you need. You know, wen he make da world, he awready make all dis stuff ready fo you guys, cuz I goin come yoa King. Az why all dis stuff fo you guys! Take um awready.’

Matthew 28:18

Den Jesus go nea dem an tell, “God give me all da powa fo me stay in charge a eryting all ova da world an inside da sky.

Matthew 5:10

“Da peopo dat do wass right, An suffa fo dat, Dey can stay good inside Cuz God in da sky, he dea King.

Matthew 5:3

“Da peopo dat know dey pooa an need God inside dem, Dey can stay good inside Cuz God in da sky, he dea King.

Luke 12:32

“You guys, you jalike bebe sheeps. No sked, cuz yoa Faddah da King like give you eryting he get.

Luke 19:17

Da king tell him, ‘Dass good! You one good worka. Cuz you wen show I can trus you wit da small kine stuff, you goin take charge a ten towns.’

1 Corint 9:25

All da guys in da race, dey stay do ony wat da coach tell um fo do, aah? An dey do all dat ony fo get one haku lei dat goin mahke laytas. But us guys, wat we goin get no goin come poho eva.

2 Corint 1:7

Az why we stay shua eryting goin work out okay fo you guys. We know dat wen you guys suffa jalike us, God goin kokua you guys jalike he kokua us.

2 Timoty 2:12

An if us guys hang in dea, We goin come kings wit Christ da King! But if we tell, ‘We donno Christ!’ Den he goin tell, ‘I donno dem guys!’

James 2:5

Eh, my good frenz! Lissen! Get peopo inside dis world, an odda peopo tink dey notting, jus cuz dey pooa peopo. But dass da ones dat God pick fo come his peopo, aah? So dey trus him plenny, jalike dey rich inside. Cuz God da King, an dey jalike his kids. He goin give dem all da good kine stuff dat he promise awready to all da peopo dat get love an aloha fo him.

1 Peter 5:4

Wen Jesus, da Main Sheep Guy, come back, den God goin give you guys one awesome haku lei cuz you do one good job. An yoa haku lei no goin come poho, foeva.

Jesus Show 21:14

Da wall fo da big town get twelve big kine stone block fo da foundation. On top get da names fo da twelve guys dat Jesus wen sen all ova fo tell peopo bout God Bebe Sheep Guy.