Luke 21:33 - Hawaii Pidgin Bible

³³ Da sky an da earth goin go way, but wat I tell no goin go way, eva.

Luke 21:33 ပူးပေါင်းရင်းမြစ်များ

Songs 102:26

All dat goin come wipe out, But you goin stay foeva. All dose tings, dey goin come poho. You goin change um jalike clotheses, An dey no goin stay no moa.

Songs 119:152

Befo time I wen hear da tings you teach. From dat, I wen learn Dat you make da tings you teach, Stay solid foeva.

Isaiah 40:8

Da grass come all dry, An da flowas come poho an fall down, But wat oua God tell, Dat goin stay foeva.

Isaiah 51:6

Look up to da sky. Look down at da earth. Da sky goin go way, jalike smoke. Da earth goin come boros, jalike da boros clotheses. All da peopo on top da earth goin mahke, jalike small bugs. But I goin get my peopo outa trouble all da time. I still yet goin do wass right fo da peopo, all da time.

Matthew 24:35

Da world an da sky goin go way, but da tings I tell no goin go way foeva.

Matthew 5:18

Dass right! An I tell you guys dis too: Da sky an da world no goin change notting befo eryting da Rules From God tell goin happen. Not even one dot o one small line a da Rules From God goin change till da Rules do wat suppose to do.

Mark 13:31

Da sky an da world goin go way, but da tings I tell no goin go way foeva.

Luke 16:17

Goin be mo easy fo da sky an da earth disappea, den fo even one small word from da Rules From God fo disappea.

Luke 21:32

“Dass right! An I tell you guys dis too: All dat stuff goin happen befo all da guys dat stay alive now goin mahke.

1 Peter 1:25

But wat Da One In Charge tell, Goin stay foeva.” You know, wat God tell, dass da kine Good Stuff us wen tell you guys.

Jesus Show 20:11

Den, jalike one dream, I spock one big white throne, an da One dat sit on top um. Da earth an da sky disappea from him, an nobody eva see dem no moa.