Luke 21:26 - Hawaii Pidgin Bible

²⁶ Da peopo goin pass out cuz dey so sked. Dey sked cuz dey donno wat goin happen inside da world. Da big powas inside da sky jalike da stars goin get shake up.

Luke 21:26 ပူးပေါင်းရင်းမြစ်များ

Isaiah 5:30

“Dat time, wen da army guys come dis land, Dey goin make big noise Jalike wen da ocean stay poun. If anybody go look da land, Dey goin see dat eryting stay dark An erybody get big trouble. Even da day time goin come dark cuz a da clouds.”

Prieses 26:36

“An fo all you peopo dat still yet stay alive dea, you guys goin stay inside da lands a da peopo dat stay agains you guys, an I goin make you guys stay sked ova dea. Wen da wind blow one leaf, an you guys hear um, goin make you guys so sked, you goin run away. You goin run jalike somebody stay chase you wit one sword, an you goin fall down, even wen nobody stay chase you.

Matthew 24:29

“Right afta dat time fo suffa plenny, dis wat goin happen: “ ‘Da sun goin come black. Da moon no goin shine. Da stars goin fall down from da sky. An all da spirits inside da sky dat get plenny powa, Dey goin come all hamajang.’

Mark 13:25

Da stars goin fall down from da sky. An all da spirits inside da sky dat get powa, Dey goin come all hamajang.

Luke 21:25

“Goin get awesome stuff fo see up inside da sky, wit da sun, da moon, an da stars. All ova da world, da peopos from inside da diffren countries goin suffa plenny. Dey goin come all bum out, jalike peopo feel wen da ocean poun loud an da waves come real high.

Luke 21:27

Dat time dey goin spock me, da Fo Real Kine Guy, stay coming inside one cloud wit plenny powa, an I goin be real awesome.