Luke 21:21 - Hawaii Pidgin Bible

²¹ Den da peopo dat stay Judea side gotta run to da mountains. Da guys inside Jerusalem town gotta get out, an da guys inside da boonies betta not go back town.

Luke 21:21 ပူးပေါင်းရင်းမြစ်များ

Start 19:17

Afta dey get um outside da town, one a da angel messenja guys tell Lot, “Run away some place wea you no goin mahke! No look behind you! No stay nea da towns. Run away mauka side cuz goin be good ova dea. No good Da One In Charge blow you away too!”

Start 19:26

But Lot wife, she look behind her, an right den an dea she come salt rock, all hard jalike one pos.

Smart Guys 22:3

Da akamai kine peopo see Someting bad goin happen, An dey go hide. But da peopo dat donno notting An easy fo bulai dem, Dey keep going, An bumbye, dey pay da price.

Jeremiah 35:11

But wen Nebukadnezzar da Babylon king come fo attack dis land, we tell each odda, ‘Go come, fo us go inside Jerusalem fo run away from da Babylon an Aram army guys.’ Az why us guys stay inside Jerusalem now.”

Jeremiah 37:12

Dat time, Jeremiah start fo go outa Jerusalem town fo go da Benjamin ohana land, fo get his share a da ohana land jalike his odda relatives ova dea.

Jeremiah 6:1

“Quick! You Benjamin ohana peopo, run, go hide! Run away from inside Jerusalem! Blow da sheep horn trumpet inside Tekoa town! Light da signal fire ova Bet-Hakkerem town! Cuz get bad kine guys stay come from da north side Fo come bus us up an wipe us out!

Census 16:26

He tell all da peopo, “Move away from da tents wea dese real bad guys live! No touch notting a dea stuff dat dey own! No good Da One In Charge wipe out you guys too, cuz a all da bad kine stuff dey wen do.”

Matthew 2:1

Jesus, he born Betlehem town, Judea side. Herod, he da king dat time. An you know wat? Had dese smart guys dat know plenny bout da stars. Dey come Jerusalem town from one far place, from da east side. Dey tell,

Matthew 24:16

You know, wen you guys see dat happen, if you stay Judea side, go run to da mountains.

Mark 13:15

If you stay on top one house dat get flat roof, no go inside fo take yoa stuffs wit you.

Jesus Show 18:4

Den I hear anodda voice from da sky. God tell, “Eh, my peopo, get outa dea! So you guys no goin do Da bad kine stuff da peopo inside Babylon do! An you no goin get all da big troubles dat town goin get.