Luke 20:21 - Hawaii Pidgin Bible

²¹ Az why da guys dat stay watch him tell him, “Eh, Teacha, we know dat you talk fo real kine an wat you tell an teach stay true. You do da same to erybody, an you teach God way fo real kine.

Luke 20:21 ပူးပေါင်းရင်းမြစ်များ

2 Records 19:7

Dat mean, you guys betta be plenny sked a Da One In Charge. Take kea how you judge. Cuz oua God, dass Da One In Charge a us, he no judge da wrong way, he no make mo good fo one guy den fo anodda guy, an he no take unda da table kine money.”

Job 34:19

He no make mo betta to one prince den he make to anodda prince. He no make mo betta to da rich peopo den he make to da pooa peopo. Cuz he wen make all dem.

Songs 12:2

Da peopo talk real nice kine Fo bulai peopo, Dey tell one ting, But dey no mean dat.

Songs 55:21

Da tings he wen tell soun nice, But inside, he ony like beef. He talk nice kine, But da tings he tell, Jalike one sword fo stab me.

Matthew 22:16

So den dey sen da guys dey stay teach fo go by him, an some King Herod guys too. Dey tell, “Eh, Teacha, we know you tell da trut, an you teach da true kine stuff bout wat God like erybody fo do, no matta wat da peopo tink o who dem.

Mark 12:14

Dey come an tell, “Eh, Teacha, we know you fo real, no matta wat da peopo figga o who dem. An you tell da trut wen you teach God way. So, wat? Dass right fo pay King Cesar da tax money, o not?”

Luke 20:20

So dey look fo da right time fo do um. Dey sen some secret guys fo watch him. Dem guys wen ack jalike dey good guys. Dey like trick Jesus wit wat he tell, fo dem bus him an turn him ova to da leada guys an to da govna, da one dat get da powa.

Luke 20:22

So, wat? We still gotta pay tax to Cesar, da king fo da Rome peopo, o wat?”

John 3:2

One nite he go by Jesus an tell um, “Teacha, us guys know dat you one teacha dat come from God, cuz nobody can show us da kine awesome stuff you stay do, if God no stay wit him.”

2 Corint 2:17

Us guys, we not like plenny odda peopo dat teach wat God tell, ony fo make money. No way! Az why wen us guys talk fo God, erybody see dat us fo real, an da stuff we tell come from God. Us do um fo God see us do um, cuz we stay tight wit Christ.

Galatia 1:10

You guys tink I stay trying fo tell wat da peopo like, o wat God like? O you guys tink I stay trying fo make me look good? No way! If I do wat odda peopo like me fo do an dat make me look good, den I no can be one worka fo Christ.

Galatia 2:6

But da guys dat look jalike dey da importan leadas, dat no bodda me, cuz God no mo favoratism bout how peopo look. No mo notting dem guys wen add fo make wat I teach mo betta.