Luke 18:30 - Hawaii Pidgin Bible

³⁰ he goin get plenny mo now in dis time, an bumbye he goin get da real kine life dat goin stay to da max foeva!”

Luke 18:30 ပူးပေါင်းရင်းမြစ်များ

Job 42:10

Afta Job pray fo his frenz, Da One In Charge make eryting come good fo him one mo time. Da One In Charge even give him double wat he get befo time.

Songs 119:103

Da tings you wen promise fo do, Dey good. Fo me, jalike dey taste Mo betta den honey.

Songs 119:111

Da tings you teach, Dey goin stay wit me all my life, Cuz dey da tings dat make me Stay real good inside.

Songs 119:127

Fo shua, I get love an aloha Fo da tings you tell us guys We gotta do. Dass mo plenny love an aloha Den I get fo da bestes kine gold.

Songs 119:162

Me, I stay real good inside Cuz I know wat you wen promise fo do. Dat make me feel Jalike I find one big treasure.

Songs 119:72

Da Rules you teach, dey good fo me, Mo den all da gold an silva dat get.

Songs 37:16

No matta da guys dat do wass right Get ony litto bit stuff, Dass still mo betta Den all da stuff da bad guys get.

Matthew 12:32

I da Fo Real Kine Guy. Whoeva grumble bout me, God goin let um go an hemo da shame fo dat. But whoeva grumble bout da Good An Spesho Spirit, God no goin let um go an hemo dea shame fo dat, now o foeva.

Matthew 4:24

Erybody hear bout him, from dea all ova Syria side. Dey bring all da peopo wit all kine sick by him: erybody dat hurt, an suffa plenny, da peopo dat get bad spirits dat take ova dem, peopo dat shake an roll all ova, an peopo dat no can move. An Jesus make um all come good.

1 Timoty 4:8

Wen one guy work out fo make his body come strong, dass good fo some tings. But gotta do da tings dat God like. Dass good fo eryting, fo da life ova hea inside dis world, an fo da real kine life we goin get bumbye.

1 Timoty 6:6

You know, if we do stuff fo God how he like, an stay good inside, den we goin come rich inside.

Jesus Show 2:10

No sked da stuff you guys goin suffa. You know, da Devil goin set up some a you guys fo go prison, fo try make you guys give up, an you guys goin suffa dea ten days. Hang in dea an trus God, even if dey kill you guys. Cuz I goin give you guys da winna prize—da kine life dass fo real!’

Jesus Show 2:17

“If you guys can hear dis, you betta lissen, an go do wat God Spirit stay tell da church peopo fo do!” Erybody dat fight an win ova da bad kine stuff, I goin give um some a da manna kine bread fo eat Dat God wen hide fo dem befo time. An I goin give um one white stone Wit one new name Dat God wen write on top um. Da guy dat get dat name, He da ony one goin know um.

Jesus Show 3:21

Whoeva fight an win, I goin give dem da right Fo sit by me wea I stay on top my throne. Jalike me, I win awready, An now I stay sit down by my Faddah Wea he stay on top his throne.