Luke 18:13 - Hawaii Pidgin Bible

¹³ But da guy dat colleck tax money wen stan up far away. He no even like look up to da sky, but he beat on his ches an tell, ‘God, I one guy dat wen do bad kine stuff. Give me chance!’ ”

Luke 18:13 ပူးပေါင်းရင်းမြစ်များ

2 Samuel 12:13

David tell Nathan, “Was real bad, dis ting I wen do agains Da One In Charge!” Nathan tell, “An Da One In Charge, he let you go awready fo da bad ting you wen do. You no goin mahke from dis.

2 Records 33:19

Da guys dat can see wass goin happen, dey write um all down. Dey write wat Manasseh tell wen he pray, an how Da One In Charge lissen him. Dey write all da bad kine stuff he do wen he stay agains Da One In Charge. Dey write bout da sacrifice places he build on top da hills, an bout da tiki poses he put up fo da wahine god Asherah an da idol kine gods, befo he come notting in front Da One In Charge.

2 Records 33:23

But he no make jalike his faddah Manasseh, cuz he no come notting in front Da One In Charge, so he get even mo blame.

Ezra 9:6

I tell: “You, my God! But I stay get plenny shame! Real plenny shame, so I no can even look up to you, my God. Da bad tings us guys stay do, jalike one big pile a rubbish dat mo high den oua head! Da shame fo do all dat bad kine stuff, jalike go all da way up to da sky!

Job 42:6

Az why now I pau poin finga you! I goin change my attitude! An fo show I sorry, I stay sit in da dirt an ashes.”

Songs 106:6

Us guys, we do bad kine stuff, Jalike oua ancesta guys wen do. Us make crooked kine, An do wass wrong.

Songs 119:41

Eh! You Da One In Charge! Stay tight wit me, cuz I yoa guy! Get me outa trouble, Jalike you wen tell me you goin do!

Songs 130:7

All you Israel peopo, Hang in dea An trus Da One In Charge! Cuz if you stay tight Wit Da One In Charge, He erytime stay tight wit his peopo. Wen you wit him, He do wateva he gotta do Fo get you outa trouble.

Songs 25:11

Eh! You Da One In Charge! Cuz you like erybody know Wat kine god you, Az why you let me go From all da bad kine stuff I wen do, An you hemo my shame too. Eh, get real plenny bad tings dat I wen do, you know!

Songs 25:7

Eh! You Da One In Charge! Wen I was young, I wen do bad tings an go agains you. No tink bout me lidat no moa. Mo betta, tink lidis bout me. Tink bout how you stay tight wit me, Cuz you good, az why.

Songs 40:12

Cuz all aroun me Get peopo do bad kine stuff, Mo plenny den I can figga. Da bad kine stuff catch up wit me. I no can see good! I get choke plenny trouble, Mo plenny Den da hairs on top my head. I like be strong, But no can!

Songs 41:4

Dis wat I wen tell: “Eh! You Da One In Charge! Dis me! I like you do someting good fo me! I like you make me come good. I sick cuz a all da bad tings I wen do agains you.”

Outa Egypt 33:10

Erytime da peopo see da cloud dat go from da groun to da sky in front da tent, all da peopo go down put dea face on top da groun, right wea dey stan in front dea small tents, fo show God love an respeck.

Isaiah 1:18

Da One In Charge tell: “Come, we go talk togedda bout dis ting. No matta all da bad kine stuff you wen do Look jalike one big red spot now, But dey goin come white jalike da snow. No matta now jalike dey stay dark red, Dey goin come white jalike da wool.

Isaiah 6:5

Den I wen yell, “Bummahs! I stay wipe out awready! Da way I stay talk, An da way da peopo I stay wit stay talk, No way us can come in front God! But still yet, I wen see Da One In Charge, da King, Da God Ova All Da Armies.”

Isaiah 66:2

You guys know dat I wen make Eryting dat get, da sky an da earth, aah? Az how come dey stay hea.” Da One In Charge, he da One tell dat. An he tell: “I tell you, wat kine peopo I like lissen to! Da kine peopo dat no mo big head, An dat stay all bus up inside, An stay sked an shaking Wen dey hear wat I tell.

Ezekiel 16:63

So den, I goin make right wat you wen do wrong fo make you pono wit me cuz a all da bad kine stuff you wen do. Den you no goin foget wat you wen do an come shame, an no open yoa mout no mo fo talk. Az wat me Da One In Charge, da Boss, tell.’ ”

Daniel 9:5

But us guys wen go buckaloose an do bad kine tings. Us guys do wass wrong. Us guys do da kine stuff we not suppose to do. Us guys go agains you, Da One In Charge, an us make deaf ear fo wat you tell us fo do. We wen bag from da rules you make dat show us wass right an wass wrong cuz you da Judge.

Matthew 10:3

Philip an Bartolomew; Thomas an Matthew, dass da guy dat befo time colleck tax money fo da govmen; James, dass Alfeus boy, an

Matthew 6:5

“Wen you guys pray, no make jalike da guys dat tell one ting an do anodda. Dey like stan up an pray inside da Jew churches o outside wea erybody go, cuz dey like da peopo see wat dey do. Dass right! An I stay tell you dis too: Dey get all dea pay awready.

Matthew 9:13

Go figga wat Hosea, da guy dat talk fo God, wen tell befo time, ‘I like my peopo give chance to each odda. Dat mo betta den jus make one sacrifice inside da temple.’ Dass wat God tell. But me, I neva come fo tell da guys dat erytime do wat God tell um fo do, fo come my guys, but I wen come fo da peopo dat get one bad rep.”

Mark 11:25

Erytime you guys stan up an pray, if you huhu wit somebody, you gotta let um go. If you do dat, den yoa Faddah dat stay inside da sky, he goin let you guys go too, fo all da bad kine stuff you guys wen do.

Luke 17:12

He go inside one small town, an ten lepa guys come by him. Dey stan far away

Luke 22:41

Den he go litto bit mo down ony him. He go down on his knees, an tell God fo help him

Luke 23:48

Da peopo dat wen come dea fo see wat goin happen see dat, an dey poun dea ches, fo show dat dey know someting real bad wen happen. Den dey go home.

Luke 5:8

Wen Simon Peter see how plenny fish dey get, he go down on his knees in front Jesus an tell, “Eh, Boss, go way from me, cuz I one guy dat stay do bad kine stuff!”

Jesus Guys 2:37

Wen da peopo hear dat, dey come sore inside, an dey tell Peter an da odda guys Jesus wen sen all ova, “Braddahs, wat we goin do?”

Rome 5:8

But God show how plenny love an aloha he get fo us, cuz same time we do bad kine stuff, Christ still yet wen mahke fo us.

2 Corint 7:11

Try go figga dis! You guys wen come sorry da way God like fo us come sorry, an you guys wen stay lidat. Dat make you guys try hard fo clean out da bad kine stuff. Den nobody can blame you guys fo notting. You guys wen come all huhu bout da bad kine stuff you guys wen do. You wen come all sked, cuz you figga bumbye you goin do da same ting one mo time. You guys fo real kine like see me, an stay ready fo do all da right tings, an punish da guy dat wen do da bad kine tings. Cuz you guys wen do eryting da right way, an now no mo nobody can blame you guys fo notting.

1 Timoty 1:15

Da stuff I stay telling you now stay true, an you can trus um: God Spesho Guy Jesus wen come hea inside dis world, fo take peopo outa da bad kine stuff dey stay do. I da one wen do mo plenny bad kine stuff den all da odda peopo.

Hebrews 4:16

So den, no need come sked. Us guys gotta come strong fo go in front God throne, cuz he like do plenny good kine stuff fo help us. He goin give us chance, an wen we need kokua, he goin kokua us.

Hebrews 8:12

I goin pity dem an give um chance, No matta dey wen do tings dat no stay right. An I goin foget bout Da bad kine stuff dey wen do.’ ”