Luke 18:12 - Hawaii Pidgin Bible

¹² Two time ery week, I no eat so I can pray, an I give da Temple ten percent from all da money I get.’

Luke 18:12 ပူးပေါင်းရင်းမြစ်များ

2 Kings 10:16

Jehu tell, “Go come wit me, an see how I go all out fo Da One In Charge.” Den Jehu let Jehonadab ride wit him inside his war wagon.

Isaiah 1:15

Wen you guys put up yoa hands fo pray to me I goin look da odda way. No matta you pray long time, I no goin lissen. Yoa hands stay dirty all ova From da blood a da peopo you wen kill.

Malakai 3:8

Da One In Charge tell, “You guys tink anybody can steal someting from God, o wat? No way! Cuz you da ones dat stay steal stuff from me, you know.” But you guys tell, “How us guys stay steal from you?!” Da One In Charge tell, “You guys owe me ten percent a eryting you get, an odda gifs, you know. Wen you guys no pay, you stay steal from me!

Census 18:24

But I goin give da Levi guys da ten percent dat da Israel peopo give me, Da One In Charge. Az why I tell dem, ‘You guys no goin get land jalike how da odda Israel peopo get um.’ ”

Census 23:4

God come meet him dea. Balaam tell, “I make ready seven altars awready, an I make one sacrifice wit one bull an one boy kine sheep on top ery altar.”

Matthew 5:20

I stay tell you guys dis: If you no do da right tings, mo den da teacha guys dat teach da Rules From God an da Pharisee guys, God in da sky no goin come yoa King.

Matthew 6:1

“Watch out! No good you make tantaran in front peopos wen you do da religious kine ceremonies, cuz you guys ony like peopo see da religious kine ceremonies dat you guys do. If you guys make lidat, yoa Faddah in da sky no goin give you guys notting.

Matthew 6:16

“You guys, wen you no eat so you can pray, no make sad face. Da guys dat tell one ting an do anodda, dey try fo look all hamajang, fo all da peopo see dey no eat so dey can pray. Dass right! An I tell you guys dis too: Dey wen get all dea pay awready, an God no goin give um no moa.

Matthew 6:5

“Wen you guys pray, no make jalike da guys dat tell one ting an do anodda. Dey like stan up an pray inside da Jew churches o outside wea erybody go, cuz dey like da peopo see wat dey do. Dass right! An I stay tell you dis too: Dey get all dea pay awready.

Matthew 9:14

Had guys John Da Baptiza Guy was dea teacha. Dey come by Jesus, an tell him, “How come us guys skip food wen us pray, an da Pharisee guys skip food wen dey pray, but da guys you stay teach, dey no skip food, but still yet dey pray?”

Luke 11:42

“Wassamatta you Pharisee guys?! You goin get it! You guys give God ten percent a eryting, even da mint spice an da rue spice, an all da odda kine herbs. But same time, no bodda you guys if you no do da right tings, an you guys no mo love an aloha fo God. Mo betta, make shua you get love an aloha fo God, an do da right tings, an no foget da ten percent too.

Luke 17:10

Same ting. Wen you guys go do eryting you suppose to, den you goin tell, ‘Us jus worka guys. We ony wen do wat we suppose to do.’ ”

Rome 3:27

You tink you can talk big now, o wat? No ways! Wot?! You tell you get one Rule dat tell you get um right wit God cuz you wen do good kine stuffs? Eh, not even! Us can ony tell bout dat Rule dat tell we get um right wit God cuz we trus um.

1 Corint 1:29

Az why nobody can talk big wen dey stan in front God.

Galatia 1:14

I wen stick wit da Jew Rules plenny, mo den da odda Jew guys my age. I wen go all out fo do eryting oua ancesta guys wen tell us how fo live.

Efesus 2:9

Da good tings you wen do, no matta. You no need talk big bout dat.

1 Timoty 4:8

Wen one guy work out fo make his body come strong, dass good fo some tings. But gotta do da tings dat God like. Dass good fo eryting, fo da life ova hea inside dis world, an fo da real kine life we goin get bumbye.

1 Samuel 15:13

Samuel go from dea, an wen he catch up Saul, Saul tell, “I like Da One In Charge do good kine stuff fo you! I wen do eryting Da One In Charge wen tell me fo do, aah?!”