Luke 17:6 - Hawaii Pidgin Bible

⁶ Da One In Charge tell, “If you trus God litto bit jalike one small mustard seed, you can tell dis mulberry tree, ‘Pull yoa roots up an go plant um in da ocean,’ an da tree goin do um.”

Luke 17:6 ပူးပေါင်းရင်းမြစ်များ

Matthew 14:29

Jesus tell, “Go come.” Peter climb outa da boat, an walk on top da watta fo go by Jesus.

Matthew 17:20

He tell, “Cuz you guys neva trus God enuff, az why. An I stay tell you guys dis too: if you guys trus God ony litto bit, jalike da smalles mustard seed, you goin tell dis mountain, ‘Go move ova dea,’ an da mountain goin go. No goin get notting dat you guys no can handle.

Matthew 21:21

Jesus tell um, “Az right! An I tell you guys dis too: If you guys trus God an tink you no stay shua, you goin do da kine tings you wen see me do to dis fig tree. You goin even tell dis mountain ova hea, ‘Eh, get up! Go jump inside da ocean,’ an goin be lidat.

Mark 4:31

Wen God stay king, dass jalike one mustard seed. Dat seed mo small den all da odda seeds, you know. If get one guy plant um inside his field,

Mark 9:23

Jesus tell “Wat you mean, ‘If can’? Jus gotta trus me, den you can do all kine stuff.”

Luke 13:19

Wit God, eryting start small, den come big. Dass jalike one small mustard seed. One guy take um an plant um inside his open lanai. Da small seed grow up, an come one big bush, an da birds come down outa da sky an make house inside da branches.”

Luke 17:7

“Wat you tink? If get one worka guy dat plow da dirt fo his boss, o take kea his sheeps, wen da guy come inside from da field, you tink da boss goin tell um, ‘Come on! Eat’? No way!

Luke 19:4

So he run in front, climb one fig tree fo see um, cuz Jesus goin go by dat place.

Luke 7:13

Da Boss Jesus spock her, an he get pity fo her. He tell, “No cry now.”

Luke 7:19

an tell dem fo go by Jesus, Da One In Charge, an aks him, “Eh, you da guy suppose to come, o wat? O we suppose to wait fo anodda guy fo come?”

1 Corint 13:2

An if I was one guy dat talk fo God, an I wen know all kine secret stuffs an all da kine stuffs dat da smart guys know, an if I wen go all out fo trus God fo make da mountains move, but I no mo love an aloha, den wat? Az poho all dat!