32 Tink bout Lot wife!
Afta dey get um outside da town, one a da angel messenja guys tell Lot, “Run away some place wea you no goin mahke! No look behind you! No stay nea da towns. Run away mauka side cuz goin be good ova dea. No good Da One In Charge blow you away too!”
But Lot wife, she look behind her, an right den an dea she come salt rock, all hard jalike one pos.
Whoeva try hang on to his life goin lose um. An whoeva give up his life goin hang on to um.
