Luke 17:31 - Hawaii Pidgin Bible

³¹ “Dat time if one guy stay res on top his flat roof house, he betta not go inside fo get his stuffs. Same ting, da guy inside da field betta not go back fo get someting.

Luke 17:31 ပူးပေါင်းရင်းမြစ်များ

Job 2:4

Da One Dat Stay Agains God tell Da One In Charge, “Peopo let dea skin get hurt litto bit fo dem keep dea whole skin! But peopo goin give eryting dey get fo dem stay alive!

Jeremiah 45:5

You like plenny peopo know who you bumbye, o wat?! No try. Cuz I goin make bad kine stuff happen to peopo all ova da world. But no matta wea you goin go, I goin let you get outa dea alive.’ ” Az wat Da One In Charge tell.

Matthew 16:26

Poho fo one guy get eryting inside dis world, but da guy end up cut off from God foeva, an no mo da real kine life inside. You tink you rich enuff fo buy back yoa life?

Matthew 6:25

“Dass why I stay tell you guys, no worry bout how you goin live, wat you goin eat, wat you goin drink, an wat you goin wear. Wat you tink? You live ony fo eat? No way! Yoa body ony fo clotheses? Not even!

Luke 21:21

Den da peopo dat stay Judea side gotta run to da mountains. Da guys inside Jerusalem town gotta get out, an da guys inside da boonies betta not go back town.