Luke 16:31 - Hawaii Pidgin Bible

³¹ “But Abraham tell, ‘If dey no lissen da Rules From Moses, an to da guys dat talk fo God, dey no goin lissen an trus God, even if one guy come back alive from mahke.’ ”

Luke 16:31 ပူးပေါင်းရင်းမြစ်များ

Start 9:27

I like God give da Jafet ohana all da land dat dey need! I like Jafet an his peopo live togedda wit da Shem ohana, But da Canaan ohana, dey goin come slaves fo da Jafet ohana!” (You know, “Jafet” soun kinda like how dey tell “give big place” Hebrew language.)

Luke 16:30

“But da rich guy tell, ‘No ways, Abraham, my ancesta guy! But if one guy come back to dem from mahke, dey goin come sorry fo da bad kine stuff dey wen do, an no do um no moa.’

Luke 17:1

Jesus tell da guys he stay teach, “Tings dat make peopo do bad kine stuff goin happen, but bummahs fo da guy dat make anodda guy do bad kine stuff!

John 5:47

But you guys neva trus wat Moses wen write, so how you guys goin trus wat I tell? No ways!”

Jesus Guys 19:8

Paul go inside da Jew church. Fo three month he not sked fo tell da Good Stuff Bout Jesus. He teach um real good bout how fo get God fo dea king, fo dem trus him.

Jesus Guys 26:28

Den Agrippa tell Paul, “You tink in dis short time you goin make me come one Christian, o wat?!”

Jesus Guys 28:23

Den da Jew guys tell dey goin come togedda one spesho day. An dat time even mo peopo come to da place wea Paul stay. Wen da sun come up till da sun go down, he tell um all da stuff bout how fo get God fo dea king. He try help um fo trus da Good Stuff Bout Jesus. He start wit da stuff Moses write down inside da Rules, an den he talk bout da odda guys dat talk fo God befo time.

2 Corint 4:3

If da Good Stuff From God we stay teach stay cova up so peopo no can undastan um, dey da peopo dat goin come wipe out.

2 Corint 5:11

Us get choke respeck fo God. Dass why we try fo help da peopo get da same kine respeck fo him. God know how we stay inside. I like you guys know how we stay inside too.