Luke 16:29 - Hawaii Pidgin Bible

²⁹ “Abraham tell, ‘Yoa braddahs get da Rules From Moses, an da tings da odda guys dat talk fo God write down inside da Bible befo time. Yoa braddahs can hear wat dey tell.’

Luke 16:29 ပူးပေါင်းရင်းမြစ်များ

Isaiah 34:16

Go find out wat Da One In Charge wen tell his guys fo write. Read um from dat book. Da One In Charge tell dat all dese birds an animals goin show up dea. Boy kine goin come wit his wahine kine, all a dem. Me, Isaiah, I da one wen tell wat Da One In Charge tell dey gotta do, An goin be his Spirit bring dem togedda.

Isaiah 8:20

Check out wat dem guys dat lissen da spirits tell. See if dey tell da same ting da Rules From God tell, an if dey talk da same kine jalike wat you know Da One In Charge tell. If dey talk diffren kine, den wat dey tell no goin help you undastan notting.

Jeremiah 6:16

Dis wat Da One In Charge tell his peopo: “Stop wen you get to da place wea two roads come togedda an look. Aks bout da ol trails, How peopo wen live befo time. Aks bout how fo find da good way. Den go live dat way! Dass how you guys goin learn how fo live fo no mo notting bodda you. But you guys tell, ‘Us no like live dat way!’

Luke 16:16

“Had da Rules Moses wen write down, an da stuff da guys dat talk fo God wen write down, till John Da Baptiza come. Afta dat us guys tell da Good Stuff bout how peopo can get God fo dea king, an erybody push each odda fo come close, cuz dey like get God fo be dea king.

Luke 24:27

An den Jesus teach dem eryting da Bible tell bout him from befo time. He start wit da stuff Moses wen write down inside da Rules, an den all da odda guys dat wen talk fo God, wat dey wen write down.

Luke 4:17

Da helpa guy give him da book from Isaiah, da guy dat talk fo God befo time. He open um an find da place wea Isaiah write,

Jesus Guys 15:21

“Cuz da Rules Moses wen write down, get peopo teach dat stuff in all da towns from long time befo time, an dey read um in all da Jew churches ery Res Day.”

Galatia 4:21

Eh, you guys dat like stick wit da Rules fo get um right wit God, how come you guys no lissen wat da Rules tell?