Luke 16:23 - Hawaii Pidgin Bible

²³ Inside Hell da rich guy suffa plenny, an he look up. He spock Abraham far away wit God, wit Lazarus by his side.

Luke 16:23 ပူးပေါင်းရင်းမြစ်များ

Songs 16:10

Cuz you no goin leave me Inside da Mahke Peopo Place. I stay tight wit you, Az why you no goin make me know How stay, inside da grave.

Songs 49:15

But fo shua, God goin pay da price So I no gotta go Da Mahke Peopo Place. (Time out fo da music.)

Songs 86:13

Cuz you stay real tight wit me. You even make um Fo me no gotta go da mos deep part A da Mahke Peopo Place!

Songs 9:17

All da peopo dat do bad tings, I like dem go way to da Mahke Peopo Place, All da diffren peopos dat ack jalike God no matta!

Smart Guys 15:24

Da peopo dat undastan stuff, Dey goin go up an get da real kine life Cuz a da way dey live. Az how dey no goin end up Down inside da Mahke Peopo Place.

Smart Guys 5:5

Da way dey go, goin drag you down To da place wea you goin mahke. Fo shua dey stay go strait To da Mahke Peopo Place!

Smart Guys 7:27

Da roads to da Mahke Peopo Place Start from dat wahine house, An all dose roads go down To da rooms inside Hell.

Smart Guys 9:18

But da peopo donno Dat inside her place, Get all mahke peopo kine spirits. Da peopo dat wen come inside her place, Now dey stay down inside da Mahke Peopo Place.

Isaiah 14:15

But now, God bring you guys down to Da Mahke Peopo Place, Da mos far part a Da Deep Dark Hole.

Isaiah 14:9

Da peopo down inside Da Mahke Peopo Place Dey no can wait fo meet you guys Cuz you goin go down dea too. Da spirits a da mahke leada guys from da whole world, Da kings fo all da countries, Dey goin stan up from dea thrones fo meet you guys.

Matthew 11:23

“ ‘An you guys from Capernaum town, You tink God goin bring you guys up in da sky, o wat? No way! Mo like he goin throw you guys down dea inside Hell.’ “Cuz if I wen do awesome stuff wit my powa fo da Sodom guys jalike I do fo you guys, still yet Sodom town stay hea.

Matthew 18:9

If yoa eye make you do bad kine stuff, pull um out an throw um away! Mo betta you live foeva wit one eye. No good you get two eyes an dey throw you inside Hell wea get plenny fire.”

Matthew 23:33

You guys jalike da poison snakes, an you guys come from one snake ohana! You guys tink God da Judge goin let you guys go? No way! You tink you guys not goin go Hell? No way!

Matthew 5:22

But I tell you guys dis: Whoeva stay huhu wit his braddah gotta come in front da judge. Whoeva tell his braddah, ‘You no good!’ gotta come in front da main leadas. But whoeva tell, ‘You stupid an good fo notting!’ gotta go to da Hell fire.

Matthew 5:29

If da right eye make you do bad kine stuff lidat, dig um out, an throw um away! No matta you ony get one eye—mo worse da whole body go Hell!

Matthew 8:29

An dey yell, “Wat you like do to us, Jesus? You God Boy! You come hea fo make us suffa befo da time come, o wat?”

Luke 16:24

“So he yell, ‘Eh Abraham, my ancesta guy! Pity me an sen Lazarus fo dip da tip a his finga in watta fo cool my tongue, cuz I stay suffa plenny inside dis fire!’

Luke 16:28

Cuz I get five braddahs. He gotta tell dem bout dis place, fo dem no come hea an suffa.’

Luke 8:28

Plenny times befo, one bad spirit take um ova. No matta da guy get chains on his hands an feets, an anodda guy watch um real good, he still broke da chains. An da bad spirit make da guy go odda places wea nobody stay. So wen da spirit spock Jesus, da guy yell, an fall down by Jesus feet. Jesus tell da bad spirit, “Let go da guy!” Da spirit yell, “Eh, wat you like do to me, Jesus? Da God Dass Mo Importan Den All Da Odda Gods, I know you his Boy! I beg you, no hurt me!”

1 Corint 15:55

“Da Devil like make us guys mahke, But he wen lose awready! Us no goin cry inside, Cuz da Devil no can wack us guys fo us mahke no moa!”

2 Peter 2:4

You know, befo time had angel messenja guys dat wen do bad kine stuff, an God da Judge neva let um go. He wen throw dem down inside Hell, an tie um up wit chains fo make dem stay inside da Deep Dark Hole. Bumbye dey gotta stan in front God.

Jesus Show 20:10

Den God throw da Devil dat wen bulai dem, inside da lava lake dat burn wit sulfur. Dass wea befo time God wen throw da Wild Animal an da guy dat tell he one guy dat talk fo God, but he not. Dey goin suffa day time an nite time foeva an eva.