Luke 16:13 - Hawaii Pidgin Bible

¹³ “One worka guy no can do notting, if two boss guys own him same time. Bumbye he goin hate one boss an love da odda boss. He goin do good kine stuff fo one boss an tink bad bout da odda boss. You no can work fo da God dass fo real an da money god.”

Luke 16:13 ပူးပေါင်းရင်းမြစ်များ

Matthew 4:10

Jesus tell him, “Beat it awready, Satan! Da Bible befo time tell, “ ‘Gotta go down on yoa knees An show plenny respeck to God, Da One In Charge, An live an work ony fo him.’ ”

Matthew 6:24

“Nobody can work fo two boss guys dat own him. He goin like lissen one boss an den hate da odda. He goin like stay tight wit one boss an figga da odda guy no good. Same ting, you guys no can work fo da real God an da money god.

Luke 11:23

“If you no stay wit me, den you stay agains me. Da guy dat no work wit me, he ony work agains me.”

Luke 14:26

“Whoeva come by me, an get mo love an aloha fo dea faddah an muddah, dea wife an kids, dea braddahs an sistahs—an even fo ony dem, if az mo den dey get love an aloha fo me, dey no can be my guy.

Luke 16:12

An if nobody can trus you fo take kea odda peopo stuffs, no way God goin give you stuffs fo ony you.

Luke 16:9

“I tell you, you guys go use yoa dirty money fo make frenz. Den bumbye, wen da time come dat eryting come hamajang, God goin tell you guys ‘E komo mai, come inside!’ inside his place dat stay foeva.

Luke 9:50

Jesus tell him an da odda guys, “No stop him, cuz whoeva not agains you, dey fo you.”

James 4:4

You guys, jalike you go fool aroun behind God back! An you guys ack jalike you neva know dis: Whoeva love da bad kine stuff inside da world, fo real, dat guy stay agains God! So, whoeva come frenz wit all da bad kine stuff inside da world, dat guy show dat he stay agains God fo shua!

Joshua 24:15

But if you guys no like work fo Da One In Charge, den today pick wat gods you goin work fo! Goin be da gods yoa ancesta guys wen work fo da odda side a da Eufrates Riva, o da gods fo da Amor peopo wea you live now, o wat?! But me an my ohana, us guys goin work fo Da One In Charge!”