Luke 15:28 - Hawaii Pidgin Bible

²⁸ “Da older braddah, he come real huhu. He no like go inside da house. So da faddah go outside an beg him fo come inside.

Luke 15:28 ပူးပေါင်းရင်းမြစ်များ

Isaiah 65:5

Dey tell, ‘Da One In Charge! No come nea me, stay ova dea, Cuz I wen make spesho fo my gods, An you no stay spesho fo my gods!’ Me, Da One In Charge, dat kine peopo make me mad, Jalike smoke inside my nose, Jalike one fire dat stay burn all day.

Isaiah 66:5

You guys dat stay sked an shaking wen Da One In Charge talk, Lissen wat he tell: “Da odda Israel guys dat hate you guys, Dey no let you guys stay wit dem Cuz you know wat kine god me. Dey make fun a you guys, an tell, ‘Good, you show respeck fo Da One In Charge! We like see you guys stay good inside!’ But dey da ones goin come shame!

Jeremiah 35:16

Da guys dat come from Rekab boy Jonadab, dey lissen wat Jonadab tell um fo do. But dese peopo no lissen me.’

Jonah 4:9

God tell Jonah, “So! You tink dass good you stay huhu cuz da plant gone awready?!” Jonah tell um, “Yeah! Az good dat I stay real huhu an like mahke!”

Matthew 20:11

“Wen dey get dea pay, dey start fo grumble to da boss owna guy.

Mark 1:40

Had one lepa guy go by Jesus, an go down in front him an beg him. He tell, “If you like, you can make me come good fo me go wit da odda peopo fo pray, aah?”

Luke 13:34

“Wassamatta you peopo inside Jerusalem?! You wen throw rocks an kill da guys dat talk fo God befo time. Plenny times I wen like bring all yoa kids togedda, jalike one muddah hen bring togedda her chicks unda her wings, but you guys no like come by me!

Luke 15:2

But da Pharisee guys an da teachas dat teach da Rules From God wen squawk. Dey tell, “Dis guy get peopo wit one bad rep fo his frenz, an he even eat wit dem.”

Luke 15:27

“Da kid tell, ‘Yoa braddah wen come back home, an yoa faddah tell da worka guys fo kill da bestes young cow, cuz yoa faddah wen take him in, an eryting pono now!’

Luke 15:29

He tell his faddah, ‘Eh, wat you stay do! I wen work fo you jalike one slave, plenny years! I neva go agains you wen you tell me fo do someting! You neva give me notting! You neva even give me one bebe goat fo make party wit my frenz!

Luke 24:47

Afta dat, his guys goin teach all da diffren peopos inside da whole world bout da Christ Guy, da Spesho Guy God Wen Sen. Dey goin tell da peopos dey gotta come sorry fo all da bad kine stuff dey stay do, an no do um no moa. So den, God goin let go da peopos an hemo dea shame fo all da bad kine stuff dey wen do. His guys goin go teach lidat cuz dey his guys an dey get his powa, an dey goin start Jerusalem side.’

Luke 5:30

But da Pharisee guys an da teachas dat teach da Rules From God an stay tight wit da Pharisee guys, dey grumble at Jesus guys. Dey tell, “Eh, how come you guys stay eat wit da guys dat colleck tax money an odda guys dat get one bad rep?”

Luke 7:39

Wen da Pharisee guy dat tell um fo come see dat, he tink, “Eh, if dis guy was one guy dat talk fo God fo real kine, den he know wat kine wahine stay touch him. He know she one wahine dat do bad kine stuff.”

Jesus Guys 13:45

Wen da Jew guys see all da peopo dass not Jews, dey come jealous, an talk bad bout da stuff Paul tell.

Jesus Guys 13:50

Inside da town had high class religious wahines an had da leada guys fo da town. Inside da town, da Jew guys talk bad to dem bout Paul an Barnabas, so dose peopo start fo make Paul an Barnabas suffa, an den da leada guys throw um outa dat place.

Jesus Guys 14:19

Den some a da Jew guys come from Antiok Pisidia side, an from Iconium, an dey make da Lystra peopo come dea side. Az why dey throw stones at Paul, an drag him outside da town cuz dey figga he mahke awready.

Jesus Guys 14:2

But da Jew guys dat no like trus um, dey talk to da guys dass not Jew guys an turn um agains Paul an Barnabas guys.

Rome 10:19

An dis anodda ting: “You tink da Israel peopo neva undastan notting?” Moses da firs one tell inside da Bible dat God tell dis: “I goin do someting fo some odda peopos Dass not jalike you guys. An dat goin make you guys jealous. An I goin do someting fo peopo dat you guys tink stupid, An dat goin make you guys come huhu.”

2 Corint 5:20

Us guys da guys dat talk fo Christ. We tell all da peopo dat God stay beg um fo come back. Cuz us Christ guys, we stay beg you guys, “Eh, come pono wit God.”

1 Tessalonika 2:16

Dey even wen try fo stop us guys fo us no tell da Good Stuff bout God to da peopo dass not Jew guys. Cuz da Jew guys no like nobody fo trus Christ. Dass how dey erytime go all out fo do bad kine stuff. An now God, he tell “Laytas” to dem cuz a wat dey stay do!

1 Samuel 17:28

Wen Eliab, David mos older braddah, hear him stay talking to da army guys, he come real piss off wit David. He tell, “How come you come down hea? You ony had litto bit sheeps fo watch. Who you wen leave um wit inside da boonies? You get one big head an you no do wat you suppose to do! Erytime you tink bad kine stuff. You come down hea ony fo see da fight!”

1 Samuel 18:8

Wen Saul hea dis, he come real huhu cuz he tink, “Az not good, wat dey sing!” He tink, “Dey tell dat David wen kill ten tousans an ten tousans a guys, an dey tell dat me, I ony kill tousans an tousans a guys. Nex, da peopo goin like make him come king!”