Luke 15:20 - Hawaii Pidgin Bible

²⁰ Den he hele from dat place an go back by his faddah. “He still far from da house wen his faddah spock him. His faddah heart stay fill wit pity an he run to his boy. He hug his boy an kiss him.

Luke 15:20 ပူးပေါင်းရင်းမြစ်များ

Start 33:4

Esau run to Jacob fo tell um aloha. Esau give his braddah Jacob one big hug, an kiss um, an dey cry togedda.

Start 45:14

Den Joseph cry cuz he real happy, an he go hug his braddah Benjamin, an same time Benjamin hug Joseph an cry too.

Start 46:29

Joseph tell his guys fo tie his horses to his fancy horse wagon. Den he go Goshen fo meet his faddah Israel. Joseph look Israel, hug um plenny, an cry long time.

2 Samuel 14:33

So Joab go by da king, an tell him dat. Den da king sen guys fo bring Absalom to him. Absalom go down an put his face on top da groun in front da king fo show um respeck. An da king tell Absalom fo stan up, an he kiss him.

Songs 86:15

But you my Boss. An you da kine God dat pity erybody An you erytime like give dem chance. You no come huhu real fas, You erytime stay tight wit yoa peopo, An dey know dey can trus you.

Songs 86:5

You my Boss, an you get one good heart. You stay ready erytime fo let me go Fo da bad tings I wen do, You stay tight wit yoa peopo all da time, Wit da ones dat stay yell Fo you help um.

Isaiah 49:15

But Da One In Charge tell, “Eh! You tink one muddah goin foget Her bebe dat stay breas feed? You tink she no mo love an pity Fo da kid she wen born? No matta she foget, Me, no way I goin foget you Jerusalem guys!

Isaiah 57:18

I see how dey ack, But still yet, no matta dey stay sick inside, I goin make dem come good! I goin make dem An da ones dat stay bum out So dey no stay sad inside no moa.

Jeremiah 31:20

But Da One In Charge tell: “Da Efraim peopo, dey my kids dat I love! Dey my kids, an dey make me feel good inside. I grumble bout dem plenny times, Still yet, I no foget dem even litto bit! Az why I stay sad inside Cuz I miss dem plenny. I get plenny love an pity fo dem.” Az wat Da One In Charge tell.

Hosea 11:8

“You Efraim peopo, no way I goin tell you guys ‘Laytas!’ No way I goin give you Israel peopo to anodda god! No way I goin wipe out you guys jalike I wen wipe out Admah town! O Zeboim town! Now I wen change my mind, Az why now I feel all kine love an pity fo you guys!

Luke 15:19

I not good enuff fo be yoa boy. Let me work fo you fo pay, an den bumbye I pay you back.” ’

Luke 15:21

Da boy tell, ‘Eh Daddy! I wen do someting real bad agains God in da sky, an agains you. I not good enuff fo be yoa boy.’

Jesus Guys 2:39

He wen promise all dat fo you guys an yoa kids, an fo all da peopo dat no stay tight wit God—all da ones Da One In Charge goin tell fo come to him, dass oua God.”

Jesus Guys 20:37

Dey all cry an dey hug him an kiss him bye.

Efesus 2:13

Dat time you guys no stay tight wit God. But now, you guys stay tight wit Jesus Christ. Jesus wen go bleed an mahke fo you guys fo make you guys come tight wit him. Az why now you guys stay tight wit God.

Efesus 2:17

Christ go by you guys dat no stay tight wit God befo time an da peopo dat stay tight wit him. An he tell all you guys dis Good Kine Stuff From God. He tell, “Now you guys can come pono wit each odda!”