Luke 15:18 - Hawaii Pidgin Bible

¹⁸ Mo betta I go back by my faddah. Den I can tell um, “Eh Daddy! I wen do one real bad ting agains God in da sky an agains you.

Luke 15:18 ပူးပေါင်းရင်းမြစ်များ

2 Records 33:19

Da guys dat can see wass goin happen, dey write um all down. Dey write wat Manasseh tell wen he pray, an how Da One In Charge lissen him. Dey write all da bad kine stuff he do wen he stay agains Da One In Charge. Dey write bout da sacrifice places he build on top da hills, an bout da tiki poses he put up fo da wahine god Asherah an da idol kine gods, befo he come notting in front Da One In Charge.

Songs 25:11

Eh! You Da One In Charge! Cuz you like erybody know Wat kine god you, Az why you let me go From all da bad kine stuff I wen do, An you hemo my shame too. Eh, get real plenny bad tings dat I wen do, you know!

Smart Guys 23:13

Wen da kids need learn How fo live da right way, No hold back. Mo betta dea okole sore, Den bumbye dey get cut off from God foeva.

Isaiah 63:16

But you, you oua Faddah! Cuz no matta Abraham an Israel Dey donno notting bout us guys, You Da One In Charge, you oua Faddah! You da One wen do wat you gotta do Fo get us guys outa trouble from befo time. Cuz dass wat kine god you, An dass yoa name, Get Us Outa Trouble!

Jeremiah 3:19

“Da One In Charge tell, ‘Me, I da One wen tell Dat fo shua I like make you guys importan, jalike you my kids. I like give you guys da good kine land dat erybody like live dea Fo stay yoas foeva. Dis place, mo nice looking den da lands da odda peopos get. I wen like fo you guys call me yoa faddah. An I no tink you guys goin dig out from me an no stay tight wit me.

Jeremiah 31:20

But Da One In Charge tell: “Da Efraim peopo, dey my kids dat I love! Dey my kids, an dey make me feel good inside. I grumble bout dem plenny times, Still yet, I no foget dem even litto bit! Az why I stay sad inside Cuz I miss dem plenny. I get plenny love an pity fo dem.” Az wat Da One In Charge tell.

Sad Song 3:29

Even wen dey gotta put dea face on top da dirt, Still yet maybe Da One In Charge goin help dem bumbye.

Sad Song 3:40

Good, us guys go check out how we do, an tes um. Good, we turn aroun an come tight one mo time wit Da One In Charge.

Daniel 4:26

Inside yoa dream, somebody wen tell fo leave da stump an da roots a da tree inside da groun. Dat mean fo shua, da Mos Importan God goin let you come da king one mo time, afta you come shua dat da God In Da Sky stay in charge.

Jonah 2:4

I figga lidis: ‘God, he wen throw me out! He make me go wea he no can see me! But still yet, I goin see one mo time Da Temple dass spesho fo God!’

Jonah 3:9

Nobody know if God goin change his mind bumbye. He tell ‘Laytas’ to da kine tings us guys stay do, but maybe he goin show pity an change his mind so us guys no come wipe out!”

Matthew 3:6

Dey stay tell dey sorry fo all da kine bad stuff dey wen do, an he baptize dem in da Jordan Riva.

Matthew 6:14

“I stay tell you guys, if you let da odda guys go afta dey do da bad kine stuff to you, den yoa Faddah up dea inside da sky goin let you guys go, an hemo yoa shame fo all da kine bad stuff you guys do.

Matthew 6:9

So, pray lidis, “ ‘God, you oua Faddah. You stay inside da sky. We like all da peopo know fo shua How good an spesho you stay, An show you plenny respeck.

Matthew 7:11

Eh, no matta you guys no good, still yet you know how fo give good kine stuffs to yoa kids. Fo shua den, yoa Faddah in da sky goin give good kine stuffs to da peopo dat aks him fo do someting fo dem.

Luke 11:2

Jesus tell, “Dis how you pray: “ ‘Faddah, We like all da peopo know fo shua How good an spesho you stay. We like you come da king fo erybody.

Luke 15:17

“Den he wise up an figga, ‘Eh, how come?! All da guys dat work fo my faddah fo pay, dey get mo plenny food den dey can eat. Me, I real hungry ova hea, an litto mo mahke!

Luke 15:19

I not good enuff fo be yoa boy. Let me work fo you fo pay, an den bumbye I pay you back.” ’

Luke 15:21

Da boy tell, ‘Eh Daddy! I wen do someting real bad agains God in da sky, an agains you. I not good enuff fo be yoa boy.’

Luke 18:13

But da guy dat colleck tax money wen stan up far away. He no even like look up to da sky, but he beat on his ches an tell, ‘God, I one guy dat wen do bad kine stuff. Give me chance!’ ”