Luke 14:12 - Hawaii Pidgin Bible

¹² Den Jesus tell da guy dat wen tell um fo come his place fo eat, “Wen you make one lunch o one dinna, no tell yoa frenz, o yoa braddahs, o yoa ohana, o da rich guys nex door fo come. You do dat, an bumbye dey goin tell you fo come dea house, an dat goin pay you back fo wat you wen do.

Luke 14:12 ပူးပေါင်းရင်းမြစ်များ

Smart Guys 14:20

Da peopo dat no mo notting, Even da peopo dat live nea dem no like talk to dem. Da peopo dat get plenny stuff, Dey get plenny frenz.

Smart Guys 22:16

Wen somebody presha da peopo dat no mo notting Fo him come rich from dem, Dat guy bumbye no goin get notting! O he give one nice present to da rich peopo, Fo make him come rich, Same ting, he no goin get notting.

Matthew 5:46

Az why, if you guys ony get love an aloha fo da guys dat get love an aloha fo you, you figga God owe you guys money fo dat, o wat?! No way! Even da tax peopo dat colleck tax money fo da govmen, dey get love an aloha fo da guys dat get love an aloha fo dem.

Luke 1:53

He stay give da hungry peopo Good stuff fo eat, An he stay sen away da rich guys Wit notting.

Luke 1:58

Da peopo from ova dea an her ohana hear how Da One In Charge do plenny fo Elizabet cuz he get pity fo her, an dey all come real good inside wit her.

Luke 14:11

Cuz whoeva make jalike he importan, no goin be importan, an whoeva make jalike he not importan, goin be importan.”

Luke 14:13

Mo betta, wen you make one luau, tell da guys dat no mo notting fo come, da guys dat no can move, da guys dat no can walk, an da guys dat no can see.

2 Corint 6:13

Now I goin talk to you guys jalike you my kids. Give us love an aloha, jalike how we wen give you guys.