Luke 14:11 - Hawaii Pidgin Bible

¹¹ Cuz whoeva make jalike he importan, no goin be importan, an whoeva make jalike he not importan, goin be importan.”

Luke 14:11 ပူးပေါင်းရင်းမြစ်များ

2 Samuel 22:28

Da kine peopo dat no need be Numba One erytime, You get um outa trouble. But da high makamaka kine peopo, you watch um good, An make dem come shame in front erybody!

Esther 6:10

Den da king tell Haman, “Go right now. Get da robe an da horse, an do jalike you tell fo Mordecai da Jew, dat stay sit by da king gate. Make shua you do eryting jalike you wen tell!”

Job 22:29

Cuz God take down da ones dat talk big cuz dey make high makamaka! But da ones dat not lidat, God goin get dem outa trouble.

Songs 138:6

Eh! You Da One In Charge! Fo shua, you importan, But still yet, you see wass happening Wit da peopo dat not importan. An da peopo dat get big head, No matta dey stay far, You know wat dey stay do.

Songs 18:27

Da kine peopo dat get hard time, You get um outa trouble. But da peopo dat ack high makamaka, You shame um in front erybody.

Smart Guys 15:33

You stay sked a Da One In Charge, You goin learn how fo know wat fo do cuz a dat, An how fo do da right ting erytime. Wen you no make high makamaka kine, Den peopo goin get respeck fo you.

Smart Guys 18:12

Wen one guy tink he too good fo erybody, Real fas, he goin come wipe out. Wen one guy no ack high makamaka, Real fas, peopo goin get respeck fo him.

Smart Guys 25:27

Wen one guy ack big head Fo show he importan, Dat show he not importan. Jalike da guy eat mo honey den he need.

Smart Guys 29:23

Anybody dat ack high makamaka, Dey goin come notting cuz a dat. Anybody dat no ack high makamaka, Dey goin get plenny respeck.

Isaiah 2:11

Anybody dat get real high nose, Dey goin come shame. Anybody ack real high makamaka, Dey goin come notting. Dat time, Da One In Charge da ony One Da peopo goin talk good bout.

Isaiah 2:17

Anybody stay get real high nose, Dey goin come notting. Anybody ack real high makamaka, Dey goin come shame. Dat time, Da One In Charge da ony One Da peopo goin talk good bout.

Isaiah 57:15

Da One In Charge, da One stay far away up dea Inside da sky, an real importan. He stay alive foeva. He stay good an spesho cuz dass wat kine god him. He tell: “I live inside da mos high place, Da place dat stay spesho fo me! But still yet, I stay live wit da one Dat feel all heavy inside, An know dat dey notting. Az cuz I like make da peopo dat know dey notting, An da ones dat feel heavy inside, Come strong inside.

Matthew 23:12

Whoeva make jalike he importan, God goin make um not importan. An whoeva make jalike he not importan, God goin make him importan.”

Luke 1:51

He stay show his powa An stay make da peopo wit big head So dey no can do All da stuff dey like do.

Luke 1:52

He stay pull down plenny big kings From dea thrones, An he stay make da peopo Dat no mo notting, come importan.

Luke 14:12

Den Jesus tell da guy dat wen tell um fo come his place fo eat, “Wen you make one lunch o one dinna, no tell yoa frenz, o yoa braddahs, o yoa ohana, o da rich guys nex door fo come. You do dat, an bumbye dey goin tell you fo come dea house, an dat goin pay you back fo wat you wen do.

Luke 18:14

Jesus tell, “I tell you, wen dis tax guy go home, he get um right wit God awready. But not da Pharisee guy. Cuz whoeva make jalike he importan goin come not importan, an whoeva make jalike he not importan goin come importan.”

James 1:9

Da braddah dat no mo notting, he can feel good inside, cuz he know dat wit God, he importan.

James 4:10

No make jalike you mo betta den da odda guys da way Da One In Charge see you. Den, he goin make you come somebody fo real kine.

James 4:6

But God like do even mo plenny good tings still yet. Az why da Bible tell, “God stay agains da guy Dat get big head. But da guy dat make shua he da las one, An put da odda guy befo him, God goin do plenny fo dat guy.”

1 Peter 5:5

Same ting, you younga guys, lissen yoa older leada guys. Tink lidis: No get big head, cuz da Bible tell, “God stay agains da guy dat get big head, But he do plenny fo help da guy dat no mo big head.”

1 Peter 5:6

So den erybody, tink bout da powa God get an no get big head. Den bumbye, wen God like, he goin show dat you guys stay importan.

1 Samuel 15:17

Samuel tell, “Had one time, you neva tink you was importan, aah? Den you come da main guy ova all da twelve Israel ohanas, cuz Da One In Charge wen pick you fo come da King Fo Da Israel Peopo.