Luke 12:19 - Hawaii Pidgin Bible

¹⁹ Den I goin tell, “Eh, fo shua I one lucky guy! I get plenny good stuffs store up fo long time. Az why I can take it easy, an eat an drink an party up!” ’

Luke 12:19 ပူးပေါင်းရင်းမြစ်များ

Job 14:1

“Us peopo, us all born from oua muddahs. Us live ony short time An get mo plenny trouble inside den us can handle.

Songs 49:18

All da time he stay alive He tink good tings Goin happen to him. An odda peopo tell, “Eh, good, How tings stay go fo you, Cuz you wen do good tings Dat help you!”

Songs 62:10

No tink you goin come rich Wen you presha out peopo Fo give you money, O wen you bus um up Cuz dey no give you money, O wen you rip off dea stuffs. An if bumbye you get plenny money, No tink dass da mos importan ting.

Smart Guys 10:2

Wase time, wen you do any kine bad stuff Fo get stuff dat cost plenny. But if you stay do da right ting, Den you goin live long time an no get cut off from God foeva.

Smart Guys 14:24

Da peopo dat know wat fo do erytime, Da stuff dey get, show dey know wat dey stay do. Da stupid head kine peopo wit attitude, Da stupid kine stuff dey do, show dey stupid.

Smart Guys 18:11

Da money dat one rich guy get, Fo him, dass jalike one strong wall aroun his town. Da way he tink, Da wall too strong fo anybody come inside.

Smart Guys 23:5

You look litto bit at rich kine stuffs An dey disappea, Da rich kine stuff, jalike one eagle dat get wing An fly away to da sky.

Smart Guys 27:1

No talk big bout wat you goin do tomorra. Cuz you donno wat goin happen den.

Teacha 11:9

You young guys, stay good inside wen you young. Inside, yoa heart make you dance an sing. Do wat you like do, An see wat you like see. But no foget, dat fo all dis stuff, Bumbye God goin judge you.

Teacha 2:24

So den, da bestes ting fo do, go eat, go drink, an stay good inside bout hard work! No mo notting mo betta. I see dass jalike one present from God too.

Isaiah 22:13

But you know wat?! You guys no stay sad inside. You guys dance an sing, An make party, You kill cows an sheeps, Eat da meat an drink da wine. You tell, ‘Eat an drink now, Cuz tomorra, we mahke!’

Isaiah 5:11

“Bummahs! to da guys Dat get up early in da morning Fo go all out fo da booze, Dey stay up late nite time, Till jalike dey stay on fire from da wine.

Isaiah 5:8

An God tell, “Bummahs! fo you guys dat stay buy All da house an field dat get no mo space awready, You no leave even one place fo odda peopo live. So you guys goin be da ony one Fo live dea on top all dat land!

Isaiah 56:12

All dem tell each odda, ‘Come on, you guys! I like get some wine! Us go get piloot wit beer! An tomorra, same ting jalike today, O even mo betta!’ ”

Hosea 12:8

Az why da Israel peopo talk big. Dey tell, “Fo shua, I rich! But fo all da tings I wen get from my work, No can find notting bad dat I wen do!”

Amos 6:13

Get Israel guys dat feel real good inside Cuz dea army guys wen take ova Lo-Debar, da no wort notting town! But dey bulai. Dey tell, “You know wat? Us guys so strong, us wen take ova Karnaim, da muscle town!”

Habakkuk 1:16

Az why dey make sacrifice fo dea nets, Jalike da nets was gods. Dey burn incense fo dea nets. Cuz dea nets help dem stay rich An eat da bestes kine food.

Luke 12:18

I know wat I goin do! I goin bus up my store houses an make um mo big, an inside I goin store all my wheat an odda stuffs.

Luke 16:19

Jesus tell, “One time had one rich guy dat wear da rich kine clotheses an he live jalike one king.

Luke 21:34

“Watch out! No good you guys come all jam up wit too much partying, getting piloot, an worrying bout all kine stuff. No good Da One In Charge come back, an you guys not ready.

1 Corint 15:32

No matta I fight guys dat ack jalike wild animals Efesus side, dass okay! But if I ony do um ony fo me, an not fo God, dass wase time, you know. If da peopo dat mahke no goin come back alive, den mo betta us guys tink jalike da peopo talk, “Eh! Eat plenny! Suck um up! Cuz tomorra us all goin mahke die dead!”

Philippi 3:19

Dem guys, bumbye dey goin come wipe out. Dey ony live fo eat. Dey do shame kine stuff all da time, an dey talk real big wen dey make lidat. Dey da guys dat ony like tink bout da kine stuff from dis world.

1 Timoty 5:6

But da widow dat like live ony any kine da way she like, no matta she stay alive, but inside, jalike she mahke awready.

1 Timoty 6:17

Tell da peopo dat get plenny money hea inside dis world fo no ack high makamaka, an fo no trus all da rich kine stuff dey get. Dey donno how much time all dat rich kine stuff goin stay. Mo betta dey trus God. He give us eryting fo make us stay good inside plenny.

2 Timoty 3:4

Dey goin set up odda peopo. Dey no goin tink befo dey do any kine. Dey goin ack big head. Dey ony goin like do wat feel good fo dem. Dass why dey no mo love an aloha fo God.

James 5:5

You guys party up all da time hea inside dis world, an you guys tink you gotta get ony da bestes kine stuffs fo you. You guys jalike da cows. You stay eat all day an come all fat, fo da time dey goin bring you guys to da slaughterhouse!

1 Peter 4:3

Befo time you guys had plenny time fo do any kine bad kine stuff, jalike da peopos dat donno God. Dey make any kine. Dey like fool aroun somebody dey no stay married to, dey get piloot, dey ack wild, dey ony like party too much. No matta dey not suppose to, dey go down an pray to da idol kine gods.

Jesus Show 18:7

Jalike da Babylon wahine make um so she look plenny awesome, An da peopo dea stay good inside, Cuz dey get all kine rich stuffs, Make um suffa an come all sore inside. Da Babylon wahine talk big inside lidis, ‘I stay on top my throne jalike one queen. I not one widow. An I no goin eva come sore inside an cry!’

1 Samuel 30:16

So da Egypt guy take David dem down. Wen dey get dea, get Amalek guys all ova, eating, drinking, an partying up, cuz get all kine stuff dey wen rip off from da Filisha land an from da Judah land.